Barandiaran parkearen lanak, martxa onean
Oinezkoen zubiak jarri ondoren, Pekin errekastoaren ibilgua urez hornitzeko lehen probak ere egin dituzte.
Barandiaran parkea izango denaren lanak, Pekin errekastoaren ibilgua eraiki eta oinezkoentzako zubiak jarri ondoren. Martxa onean doaz Barandiaran parkeko lanak. Bukatu dituzte Pekin errekastoa lotzeko lanak, eta oinezkoentzako zubiak ere jarri dituzte. Datozen egunetan, zoladura eta urbanizazioko gainerako elementuak lehengoratuko dituzte. Pekin errekastoa da Barandiaran parkeko elementu nagusietako bat.
Hala, datozen hilabeteetan hainbat azpiegitura jarriko dira parkean: argiteria sarea, ur hornidurarako sarea eta drainatze sistemak besteak beste. Era berean, egokitzen joango dira oinezkoentzako ibilbideak, pasealekuak eta egonlekuak. Horren ondoren prestatuko dituzte berdeguneak, lorezaintza, zuhaitzak landatu eta hiri altzariak instalatzeko lanak egingo dituzte.
Urbanizazio lanak otsailean bukatzea aurreikusia dago; parklea, berriz, datorren urteko udaberrian bukatuta izatea aurreikusi da, ekipamendu eta hiri altzari guztiak jarri ondoren.
Faseka garatu da berdegune berriaren eraikuntza. Parkea eraikitzeko aparkaleku eraikin berria egin behar izan zen. Horrek, beste hainbat jarduketarekin batera, orubean zegoen aparkalekua kentzeko aukera eman zuen, eta aldi berean, inguruko aparkaleku kopurua handitu zuen. 2025ean zabaldu zuten ekipamendu hori, eta lurzorua deskontaminatu aurretik egin ziren lanei esker, parkea eraikitzeko lanen lehen faseari ekin zxioten: Pekin errekastoaren ibilgua eraiki, eta parke berriaren profilak zehaztu.
Gaur egungoa, bigarren fasea da, parkearen urbanizazioari dagokiona.
