Igandean, muxikoak
Muxikoek plaza hartuko dute datorren igandean, hilak 11.
Muxikoek plaza hartuko dute datorren igandean, hilak 11. Beti bezala Herriko Plazan jarri dute zita, eguraldia lagun, dantza saio bikaina egiteko 12:00etan. Eguraldiak lagunduko ez balu, Koldo Mitxelena ikastetxeko jolastoki estalian egingo dute saioa. Oraingoan Alaken taldeak musikatuko du emanaldia.
Aitzakiarik ez da, beraz, dantzarekin gozatzeko.
Muxikoak hilean behin girotzen dute herria, hileko bigarren igandearekin. Horien atzean, Beti Prest Dantza taldea, bultzaka. Herritarrei deia egin die dantza taldeak igandeko muxikoetan parte har dezaten.
