Giza Eskubideen Zinema Dokumentalaren jaialdira lanak aurkeztu daitezke oraindik
Jaialdiaren bosgarren edizioa azaroaren 30etik abenduaren 5era egingo dute, eta parte hartzeko aukera azken txanpan sartu da.
Errenteriako Giza Eskubideen Zinema Dokumentalaren jaialdian lanak aurkezteko epea urriaren 11n bukatuko dela jakinarazi du udalak. Jaialdiaren bosgarren edizioa azaroaren 30etik abenduaren 5era egingo dute, eta parte hartzeko aukera azken txanpan sartu da. Izen ematea online egin behar da (klik hemen), eta parte hartzeko 60 minutu arteko iraupena duten film labur eta ertain dokumentalak aurkeztu beharko dira.
Film laburrek, betiere, giza eskubideekin lotutako gaiak ikuspegi eta begirada ezberdinetatik landu beharko dituzte: aniztasuna, berdintasuna, justizia soziala, migrazioak, memoria, ingurumena, edota gatazka sozial eta politikoak dira deialdian lekua duten gaietako batzuk, “helburua da zinema dokumentalaren bidez gure garaiko errealitateetara hurbiltzeko modu eta begirada ezberdinak biltzea”
Giza Eskubideen Nazioarteko Eguna da abenduaren 10ean eta egun horren bueltan antolatzen da urtero jaialdia, Giza Eskubideen Jardunaldiekin lankidetza sendotuz horrela
Jaialdiaren zuzendaritza artistiko eta programazioaren ardura Ozzinemak du, eta Errenteriako Udaleko Kultur aniztasuna, Garapenerako Lankidetza eta Giza Eskubideak sailaren babesa eta finantzaketa jasotzen ditu.
