Hogeigarrenez topa egiten ari dira
Giro bikain eta goxoa izaten ari da Oiartzungo Garagardo Festan. Gaur (larunbata) eta bihar ere izango da zabalik.
Tradizio bihurtu da lagun artean garagardoa edatea eta jakiekin gozatzea Oiartzunen. Oiartzungo Garagardo Festaren hogeigarren ekitaldia egiten ari baitira. Madalensoro plazako karpa ostegunean zabaldu zuten, atzokoa izan zuen bigarren eguna, eta gaur (larunbata) nahiz bihar une bikain gehiagorekin lagunartean ederki asko egoteko aukera izango da.
Atzo han izan zen HITZA. Asteburuaren hasiera izanik, ederki asko nabaritu zen oiartzuarrak eta bisitariak gogoz zeudela garagardoak dastatu eta lagun nahiz familia giroan solasean lasai asko aritzeko. Kanpoan fresko egiten baitzuen; festaren barruan, ez. DJ Bullen saioarekin itxi zuten dantzarienek gunea atzo.
Gaur nahiz bihar 19:00etan zabalduko ditu ateak apardun edari horiaren jaiak. Osotara hamabost garagardo daude dastagai, horien artean alkoholik edo glutenik gabekoak daudelarik, denek dutelako eskubidea XX. Oiartzungo Garagardo Festaz gozatzeko. Gainera, zozketak ere izanen dira gaur, 22:00etatik 23:00etara zehazki.
Segidan, atzoko giroaren irudi sorta:
