'Antzekotasun parekoak' erakusketan, Txillidaren lana eta dantza eskutik
Eduardo Txillidaren Hiru lanaren irudien sinboloetatik abiatuta, Hiru dantza ikuskizuna sortu zuen Kresala dantza taldeak. Orain, horren gaineko erakusketa ekarriko du Errenteria-Oreretara dantza taldeak.
Hiru ikuskizuna, Kresala Dantza Taldearen eskutikTokikom Eduardo Txillidaren Hiru lanaren irudien sinboloetatik abiatuta, Hiru dantza ikuskizuna sortu zuen Kresala dantza taldeak. Orain, horren gaineko erakusketa ekarriko du Errenteria-Oreretara dantza taldeak, zehazki, Herri Arte Eskolara. Kresalak eta azken horrek elkarlanean sortu dute Antzekotasun parekoak erakusketa. Astebetez ikusi ahalko da: hilaren 16tik 24ra Herri Arte Eskolaren Arte Plastikoen solairuan.
Erakusketan barrena, euskal eskulturgilearen lanarekiko paralelismo nabarmenak aurki daitezkeela zehaztu dute antolatzaileek, “Greziako estatuagintza klasikoaren eta arkaikoarena, hala nola”.
Argazkiak Mikel Zubillagak eta Juan Carlos Ruizek eginak dira eta erakusketaren komisarioa, berriz, Faustino Aranzabal da.
Nabarmendu egin dituzte halaber, erakusketara bildutako Paloma de Alba jostun eszenikoak Kresala konpainiarentzat egindako figurinen aurretiazko marrazkiak eta behin betiko diseinuak, “kolore, ehun, patroi, eta jantzigintza osoa Cadizko (Andaluzia, Espainia) diseinatzaile ezagunak eskuz eta banaka egin zituen modu artisauan”.
Ez da erakusketa antolatu duten jarduera bakarra. Kresala dantza taldeko Claudia Erentxun eta Josu Sagardiak Hiru ikuskizunaren piezetako bat irakatsiko diete Herri Arte Eskolako dantza ikasleei hilaren 19an egingo duten tailerrean; hori, hilaren 24an Donostiako Victoria Eugenia antzokian erakutsiuko dutenaren aurrerapen bat iznago da.
