Adierazpen instituzionala Angeluko erailketa matxista salatzeko
Aho batez babestu dute Errenteriako Udalean ordezkaritza duten alderdiek adierazpen hori.
euskaraldiaren harira adierazpen instituzionala egin du Errenteriako Udalak.Izaro Perez Loperena Adierazpen instituzionala egin dute aho batez Errenteriako Udaleko talde politiko guztiek azken erailketa matxista salatzeko. Angeluko 19 urteko emakume batek bere buruaz beste egin zuen irailean, egun batzuk aurretik bortxatua izan ostean. Erabat gaitzetsi du udalak indarkeria matxista kasua eta zero tolerantzia adierazi du eraso matxista guztien aurrean.
Halako gertaerak ez dituela onartzen gaineratu du, eta emakumeak indarkeria matxistarik gabe bizi daitezen lanean jarraitzeko konpromisoa berretsi du. Horrekin batera herritar guztiak, gizonak bereziki, beren jokabide eta jarrerei arretaz erreparatzera eta edonolako erasoren aurrean jarrera aktiboz jokatzera gonbidatu ditu.
Angeluko emakumearen familia eta ingurukoei elkartasuna ere adierazi dio udalak. Bukatzeko bat egin du erailketa gaitzesteko mugimendu feministak gaur 19:00etan Clara Rangel plazan deitu duen mobilizazioarekin, eta herritarrei bertan parte hartzeko gonbita egin die.
