Noka eta toka konplexurik gabe
Hitano taldea martxan jarri du Lau Haizetara Euskaltzaleon Topaguneak; berritasuna du aurten, gelatik kalera atera dute.
Joxepa Antoni Aranbarri Anitzenean du egoitza Lau Haizetara Euskaltzaleon Topaguneak Hitano ikastaroa martxan jarri du aurten ere Lau Haizetara Euskaltzaleon Topaguneak. Hilaren 8an, ostegunarekin, hasi zuten abentura toka eta noka adierazten ikasteko eta hamabostero elkartuko dira. Hortaz, hurrengo zita hilaren 22an, ostegun honetan izango dute taldera batu nahi dutenek. Ordubetekoa da saioa, 18:30etik 19:30era eta Joxepa Antoni Aranberri anitzenean juntadizoa eginda, kalean barrena aritzen dira.
Egoitza atzean utzi eta kalera aterata, hitanoa herriko kaleetan entzutea bilatzen dute.
Edonork parte hartu dezake, hika praktikatzeko gogoa baino ez dute eskatzen; hika guztiz jakitea ere ez omen da beharrezkoa.
