Lekuona Fabrikako bibliotekan, liburuak eta gehiago
Azaroan hainbat jarduera izango dira Errenteriako bibliotekan. Besteak beste, helduentzako irakurketa dramatizatua eta tailerra antolatu ditu espazio horrek, baita haurrei zuzendutako ipuin kontaketa saioa ere.
Tokiko gobernantzaz hausnartuko dute bi egunez Lekuona Fabrikan. Azaroan hainbat jarduera izango dira Errenteriako bibliotekan. Besteak beste, helduentzako irakurketa dramatizatua eta tailerra antolatu ditu espazio horrek, baita haurrei zuzendutako ipuin kontaketa saioa ere.
Ondutako egitarauaren barruko lehen hitzordua, Henrik Ibsen poeta eta antzerkigile norvegiarraren El regreso de Nora obraren irakurketa dramatizatua izango da; azaroaren 17an, astelehena, Lekuona Fabrikak eta Ateneo Guipuzcoanok elkarlanean antolatu dute. Helduentzako jarduera izango da, gaztelaniaz izango da, 18:30ean.
Bestalde, azaroaren 23an, 17:30ean, Sustraietatik eraldatuz: haur literatura inklusibitatearen aldeko aliatu tailerra egingo da Lekuona Fabrikan, Parean Elkarteko kideek dinamizatuta. Helduentzako tailer horretan, haur eta gazte literaturaren, elkarkidetzaren eta genero berdintasunaren arloetan urteetan bildutako lana eta esperientzia partekatuko direla azaldu du bibliotekako arduradunek.
Biblioteketan egindako azterlanetatik abiatuta, ipuinetan agertzen diren rolak, estereotipoak eta aniztasuna aztertuko dira, eta bestelako ereduak eskaintzen dituzten proposamenak ezagutzeko aukera izango da. Tailerraren helburua haur literatura berdintasunaren eta inklusibitatearen aldeko aliatu bihurtzeko baliabideak eskaintzea da.
Horrez gain, 3 urtetik gorako haurrek Letrekin dantzan ikuskizunaz gozatzeko aukera izango dute. Haizea Loira Matxiñenak bost ipuin harilkatzen dituen saioa eskainiko du. Jarduera Sustraietatik eraldatuz tailerrean parte hartzen duten helduen haurrei zuzenduta dago. Ipuin-kontalaria musikoterapeuta, GIM psikoterapeuta, Musika Hezkuntzako eta Haur Hezkuntzako irakaslea eta musikaria da.
Azkenik, liburutegiak jakinarazi du antolatutako hainbat jardueratan oraindik plaza libreak daudela. Informazio gehiago eskuratzeko edo izena emateko, liburutegira deitu daiteke, 943 44 96 35 zenbakira.
