Azaroan ere, txistu doinuak
Baserritarren azokako udazkeneko jaian eta Xixili deuna egunean egingo ditu emanaldiak Udal Txistulari taldeak.
Udal Txistulari Taldeak emanaldiak egingo ditu hilabete honetan ere. Bi hitzordu jarri ditu txistu doinuen zaleentzat: hilaren 7an, larunbatean izango da lehena. Egun horretan Baserritarren Azokak Udazkeneko jaia egingo du eta txistu doinuek alaituko dituzte Erdiguneko kaleak 10:00etatik aurrera Jose Erbiti kalean den azoka girotuz.
Xixili deuna dute hurrengoa, musikarien zaindariaren egunean diana egingo du Udal Txistulari Taldeak Erdialdeko kaleetan barrena, herriko beste txistulari taldeekin batera, 09:30etik aurrera. 12:30etik aurrera, berriz, Xixili deuna eguneko kontzertu berezia egingo du; horretan ere, herriko beste txistulari taldeak izango ditu lagun, baita Herri Arte Eskolako txistu ikasleak ere. Udaletxeko arkupetan izango da emanaldia.
Egitarauaren bidez Indalezio Bizkarrondo Bilintxen heriotzaren 150. urteurrena gogoratuko dute, bere doinu eta poesiak oinarri hartuta. Maria Mendizabal, Mirari Perez, Martin Otazo eta Iñaki Zabaleta abeslariak, eta Andoitz Antzizar gitarrista izango dituzte lagun emanaldi horretan.
