Lau larrialdi egoera lagundu ditu udalak diruz
Libano, Venezuela, Lesbos eta Nepal dira lagundu dituenak.
Errnteriako Udalak lau larrialdi egoera lagundu ditu diruz aurten, horretarako larrialdi humanitariorako diru laguntzak emateko aurrekontua baliatu du, denera 37.250 euro.
Hartzaileak Libia, Venezuela, Nepal eta Zaporeak elkartea, Libanon dauden errefuxiatuak laguntzera bideratu du zati bat Iheslarientzako Nazio Batuen Goi Mandatariaren UNHCR bidez. Ura gordetzeko bidoia, koltxoia, estera, manta termikoa eta eguzki lanparaz osatutako kita banatu zaie laguntza horrekin Ekialde Hurbilean dauden gerra eta gatazken ondorioz egoera zaurgarrian dauden familiei.
Zaporeak elkartearen bidez Graziako Lesbos uhartean elkarteak duen elikadura proiektuari ekarpena egin zitzaion.
Venezuelan ekainean izandako lurrikarak hainbat eskualderi eragin zien. Hondamendiari aurre egiteko bideratu du laguntza udalak. Faldas R. tokiko elkartearen bidez esne hautsa, haurrentzako osagarri bitaminikoak eta bi sorgailu elektriko erosi dira laguntzarekin.
Azkenik, Nepalen uholde izugarriek ingurua suntsitu zuten eta hara ere bideratu du laguntza udalak. 200 haurrentzako arropa, eskola materiala eta mantak erosteko dirua bideratu du tokiko Lions Club of Phocada Lakeside elkartearen bidez.
