Urdaburu elkartearen egunean mendi irteera eta bazkaria
Hilaren 29an igandearekin ospatuko du Errenteria-Oreretako mendizale elkarteak bere egun handia.
Ez ditu egun sentiak lo harrapatuko Urdaburu Mendizale elkarteko kideak. Urte osoan izan dute agenda lepo, mendi irteerak, ipar martxa zirkuituak, argazki emanaldiak, erakusketak… mendizale finak dira, baita langileak ere, zalantzarik ez da horretan. Oraingoan Urdabururen Egunarekin dator elkartea; azaroaren 29an ospatuko dute, igandearekin.
Izena eta izanari zor, mendi irteera egingo dute lehenik. Irteera horretan hainbat aukera eman ditu elkarteak, hiru txango ezberdin egingo dituelako- Helduen txangoa Ergoien, Urmendi, Munagirre (781), Oianleku, Pilotasoro pasata, abiapuntuan bukatuko dute. 15 kilometro dira denera eta 800 metroko desnibela du; bost ordukoa izango da irteera. Horretara joateko 08:00etan egin dute hitzordua Zumardian. Autobusean aldatzeko arropa uzteko aukera izango da.
Gurasoen txangoa ere izango da. Horiek Listorreta-Urdaburu_listorreta irteera egingo dute. Irteera, Niessengo autobus geltokitik 08:00etan egingo dute. Eskolartekoen sailean ibiltzen diren haurren gurasoentzako txangoa da hori, eskolartekoen ibilbide eta ordutegi berak izango ditu. Eskolartekoak aurretik joango dira begiraleek lagunduta, eta gurasoak atzerago. Tontorrean elkartu eta elkarrekin egingo dute jaitsiera. Eskolartekoek Orereta IKastolan eman beharko dute izena parte hartzeko hilaren 11 baino lehen, eta bertan adierazi beharko dute bazkaltzen geldituko diren edo ez.
Izan ere bazkaria egingo dute mendi bueltak bukatuta Tolare jatetxean. Menua ere azaldu du Urdaburuk. Helduek aArraundi menua izango dute aukeran: Urdaiazpiko iberikoa, zainzuriak maionesarekin, bakailaoz beteriko piperrak pikilo saltsarekin, ganba eta baratxuri fresko nahaskia, txahal koskorra gisatua barazka saltsan eta moka tarta marrubi pure finaren gainean izozkiarekin. Prezioa, 20 euro edaria eta kafea barne.
Haurren menua, berriz: espagetiak, eskalopea, izozkia, ura, freskagarria eta ogia; prezioa, 10 euro.
Hirugarren txangoa, txikiena izango da. Edozein haurrek hartu dezake parte beti ere heldu batek lagunduta. Irteera ordua 09:00etan izango da Susperregin eta norbera bere kabuz bertaratu beharko da. Susperregi-Urdaburu_Susperregi ibilbidea egingo dute hirugarren txangokoek, eta Urdaburu tontorrean eskolartekoekin elkartu eta denak batera jaitsiko dira Susperregiraino.
Helduen txangoan izena emateko (klik hemen), Gurasoen txangoan izena emateko berriz, klikatu hemen; eta Txikien txangoan parte hartzeko klikatu hemen. Bestela Izena eman nahi elkartean ere egin dezakete astearte eta ostegunean 19:00etatik 21:00etara edota 943527879 telefonora deituta, egun eta ordu berean.
Bazkaria ordaintzeko Laboral Kutxako ES73 3035 0011 25 0110061096 edo Kutxabankeko ES03 2095 5064 81 1061054614 kontu korronte zenbakietan egin beharko da sarrera kontzeptu gisa Urdaburu eta izen abizena jarrita.
Irteeran edo bazkarian izena emateko azken eguna, hilaren 18a izango da, eta mendi irteeretan zein bazkarian parte hartzeko eman beharko da izena. Plza kopurua mugatua dela azaldu du elkarteak, eta hortaz,, bazkideek lehentasuna izango dutela.ango da soilik mendi irteeran parte hartzeko, baita soilik bazkaria joateko ere mendi irteeran parte hartu gabe.
