Berriz ere, handia
Kirolariek zirrara bereziz egin dute lasterketa entzutetsuaren 61. ekitaldia; nekea, eta esfortzua, bazterrean pilatutako dozenaka eta dozenaka lagunek goxatu diete.
Gero eta emakume gehiago dira Behobia-Donostian parte hartzen, baina oraindik %31 dira. irudian Elena Silvestre lasterketari errenteriarra, gaur Behobia-Donostian. Berezia da. Ez da horretan zalantzarik. Ez lituzke bestela 30.000 lagun bilduko. Behobia-Donsortai lasterketaren 61. ekitaldia egin dute gaur eta handia izan da, oso handia berriro. Gurpildun aulkiek zabaldu diote bidea lasterketa handiari ohi moduan eta ziztu bizian egin dute horiek bidea; Kaputxinoetako biribilgunera heltzeko maldan abiadura bizian pasa dira bazterrean bildutako lagunek hauspotuta txalo eta animo oihu artean. Ondoren abiatu dira rollerrak, eta batzuetan bi taldeak nahastuta egin dute bidea. Horiek ere bizi bizi.
Ondoren heldu dira lasterkariak. Eguraldia bero xamarra agian gaur eroso lasterketa egiteko, baina nekea eta esfortzua arintzeko urtero bezala espaloi eta errepide bazterretan bildutako dozenaka eta dozenaka lagunek arindu diete ia 30.000 partaideei. lehenengotik azkeneraino gogo berarekin animatu dituzte kirolariek egiten duten esfortzu itzelaren jakitun. HITZAk hainbat puntutan hartu ditu lasterketaren eta lasterkarien irudiak, eta horietako bat izan da Kaputxinoetako biribilgunearen ingurua, lasterketaren erdia gaindituta zutenean.
Neke aurpegia batzuk, ez da gutxiagorako; beste batzuk kamara aurrean dotore posatzeko tartea ere hartu dute. Ondokoak HITZAk lasterketaren puntu horretan ateratako irudiak dira.
