Kanpaldia antolatu du Ikamak
A11 greba orokorraren harira kanpaldia egingo dute egun bat aurretik gazte antolakundeak deituta Errenteria-Oreretako Herriko Plazan.
Kanpaldia antlatu du Ikama gazte antolakundeak biharko–asteartea 10– A11ko greba orokorarren testuinguruan. Kanpaldia eskualdekoa da, Oarsoaldeko Ikamnak deitua eta egitarau zabala ondu dute. Arratsaldean hasiko dute egitaraua, 18:00etan antolatu duten paseo zaratatsuarekin; Herriko Plazatik abiatuko da. Kanpaldiaren hasiera, ordubete geroago iragarri dute, 19:00etan, Hwerriko PLazan bertan. Afaria 21:00etan egingo duyte, norberak eraman beharko du, eta girotua izango dute, Ilargi abeslariaren akustikoarekin.
Greba egunerako ere antolatu dute egitaraua Ikamakoek. 08:00etan gosaria dute kanpalekuan, eta 09:00etan Herriko Plazatik abiatuko dira piketeekin.
Donostiara joango dira ondoren, eguerdian hiriburuetan deituta baitaude manifestazioak; hitzordua 11:45ean jarri dute Donostiako Renferen geltokian, handik abiatuko baita Oarsoaldeko zutabea.
Manifestazioaren ondoren greba batzordeak antolatu duen bazkari autogestionatuan parte hartuko dute gazteek; Herriko Plazan izango da hori ere, eta 18:00etan puntu horretatik abiatuko den manifestazioarekin bat egingo dute.
Ikamak bat egitera deitu ditu Oarsoaldeko ikasleak.
