Mintzalagun egitasmorako bi bidelagun behar ditu Lau Haizetarak
Haien ardura izango da Mintzalagun egitasmoko taldeak dinamizatzea ikasturtean.
Joxepa Antoni Aranbarri Anitzenean du egoitza Lau Haizetara Euskaltzaleon Topaguneak Lau Haizetara Euskaltzaleon Topagunea bi bidelagun bila dabil Mintzalagun egitasmoko taldeak dinamizatzeko ikasturte honetan. Astean behin, ordubetez, euskaraz hitz egiteko elkartzen diren lauzpabost laguneko taldeetan gidari aritzea izango da bidelagunen egitekoa.
Bidelagun izateko prest daudenek Lau Haizetararekin jarri behar dute harremanetan posta elektroniko bidez (klik hemen) edo 613 25 49 04 telefono zenbakira deitu Mintzalagun egitasmoko koordinatzaile den Ximun Leturiarekin hitz egiteko.
Bidelagun izateko, nahikoa da euskaraz hitz egiteko gogoa izatea, arduradunek azaldu dutenez, “norberak dakiena eta dakien moduan partekatuz, beste batzuei euskaraz hitz egiteko konfiantza hartzen laguntzea da bidelagunen zeregina. Handia da egiten duten ekarpena, euskaraz aritzeko aukera berriak sortzen baitituzte eta euskararen erabilera zabaltzen laguntzen dutelako”.
