Euskarazko eduki digitalen gaineko hausnarketa UEUren eskutik, Torrekuan
Jardunaldia hilaren 27an izango da, ostiralarekin euskarazko edukiak eta desinformazioa ardatzen gainean.
Euskarazko eduki digitalen gainean jarriko du fokua UEUk hilaren 27an, ostiralarekin, antolatu duen Gure kontsumo digitalak (zer jan, hura izan) jardunaldian. Informazioaren gizartearen garaian, gero eta gailu eta modu gehiago daudela informazioa jaso, irakurri, ikusi, entzun eta oro har kontsumitzeko, baina kontsumo hori ez dela burujabea sarri azaldu du jardunaldiaren antolatzaileak, “gehienetan hartzailea ez diren agenteen interes, lehentasun eta helburuen araberakoa izan ohi da”.
Hori horrela, aurtengo Humanitate Digitalak Euskal herritik saioan, dieta digitalen gaineko hausnarketa egingo dute bi ardatzen gainean: euskarazko edukiak eta desinformazioa.
Jardunaldiaren helburua da, gaian aditu eta aritu direnen perspektibak ezagututa hausnarketarako espazio bat zabaltzea. Horrekin batera, euskarazko ikus entzunezko eduki digitalen panoramika garaikidea ezagutu; desinformazio eta negazionismoek inguru digitalean duten indar eta presentzia ezagutu; eta eguneroko kontsumo digitalen inguruan elkarrekin hausnartzea.
Horrenbestez, egunerokoan egindako kontsumo digitalen inguruan kezka eta itxaropenak dituen pertsona orori zabalik dela jardunaldia aipatu du UEUk. 09:00etatik 17:00etara izango da jardunaldia eta bazkaria ere ondu dute hura bukatutakoan hausnarketan jarraitzeko. Parte hartzeko matrikula egin behar da, azaroaren 26a izango da azken eguna, eta 10 euro balio ditu (bazkaria matrikula prezioaren barnean dago). Matrikula egiteko klik egin hemen.
Hiru bloketan banatuta egingo dute jardunaldia. Lehenengoan euskarazko edukiak kontsumo digitalean izango dituzte hizpide Xabier Landabide Urresti Humanitate Digitalen Gineko kideak gidatuta, Urtzi Urkizu Adrian Berriako kazetaria eta Streaming aroa liburuaren egileak eta Xumar Altzugarai Ikus entzunezko sortzailea eta Zer Non Ikusi eta Pantailak Euskarazeko kideak.
Bigarren atalean, desinformazioa, egia ostea, negazionismoak eta kazetaritzaren aurkako erasoak izango dituzte hizpide. Elhuyarreko Ana Galarraga Aiestaranek gidatuta, Laida Arbizu Agirre filosofoa eta ikertzailea eta Maider Eizmendi Iraola kazetaria eta ikertzailea ariko dira.
Goizeko itxiera saioan aukerak, erronkak, ahultasunak eta indarrak izango dituzte hizpide. Talde bazkariaren ostean, Badalaben patioan izango da hori, Sare sozial libreak komunikazio estrategian. Zergatik, zertarako eta nola? tailerra egingo dute Badalaben azken hori, Mattin Solis Talaioseko kideak eta Leire Lison Badalabeko kideak.
Jardunaldiaren egitarau eta informazio osoa, hemen klik eginda.
