
Pasaiako portuan hauteskunde sindikalak egin dituzte eta LAB sindikatuak lortu ditu ordezkari gehien, hemezortzi guztira. UGTk hamabi ordezkari eskuratu ditu, ELAk bost eta CCOOk bat. LABek lortutako hemezortzi ordezkari horietatik sei Portu Agintaritzan eskuratu ditu, eta emaitza hori ez zuten espero. “Orain dela lau urteko hauteskundeetan sei ordezkari lortu genituen, baina urte hauetan lanpostuak murriztu dira eta jende berria sartu da, goi kargudunak, gainera. Hori ikusita, Portu Agintaritzan bost ordezkari lortzea zen gure helburua, baina ordezkari kopurua mantendu dugu eta alde horretatik oso pozik gaude”, azaldu du Joxeramon Zapirain Pasaiako portuko LABeko kideak. Mantentze horren arrazoia langileek zuzendaritzaren nahiekin bat ez dutela egiten adierazi nahi du Zapirainen iritziz, kanpo kaiaren proiektuarekin, batik bat. ELAk Portu Agintaritzan ordezkari bat lortzea ere nabarmendu du Zapirainek: “ELAk orain lau urteko hauteskundeetan ez zuen ordezkaririk lortu, baina oraingoan bat lortu du. Bien artean gehiengo sindikala lortzen dugu, eta horrek lasaitasun handia ematen du”. CCOO eta UGT batera aurkeztu dira oraingoan: “Guri gehiengoa kentzea zen euren helburua eta koalizio antzekoa sortu dute”. Gainontzekoan, bost ordezkariko lantokietan (100 langile baino gutxiago), LABek bi ordezkari lortu ditu Sespan eta hiru Camaran. UGTk, berriz, hiru Sespan eta bi Camaran. Hiru ordezkariko lantokietan (30-50 langile) UGTk hiru ordezkari lortu [...]

Gaixotasun luze baten ondoren Sonia Etxazarreta mahai-tenis jokalari irundarra zendu zen larunbatean, 42 urte zituela. Inoiz Euskal Herrian egon den emakumezko mahai tenis jokalari hoberena izan da. Leka-Enea taldea maila gorenera igotzen laguntzeaz gain, hainbat domina lortu izan ditu Espainiako txapelketetan, unibertsitarien, helduen eta beteranoen mailetan. Estatuko selezioarekin internazionala izatera iritsi zen.

Baserritarrei laguntzeko helburuarekin, Udalak, behi esnea ematen duen makina duela hiru hilabete estreinatu zuten San Pedro kalean. Hasierako ilarak pasata, Juan Cruz Alberdi Behemendiko gerenteak balorazioa egin du. “Oso emaitza onak ematen ari da....

Pasaia Musikaletik gogorarazi dutenez, bigarren hiruhileko tailerrekin hastear daude. Pasa den hiruhilekotik martxan daude honako tailerrak: ekialdeko dantzak, flamenkoa eta norberaren barrualdera bidaia. Horietan izena eman nahi dutenek, arazorik gabe...

Gabonak direla eta, Etxebizitza Bulegoa itxita egon da abenduaren 24tik urtarrilaren 6a bitartean. Atzo, berriz ere zerbitzua eskaintzen hasi zen Etxebizitza Bulegoa Fermiñenen, 10:00etatik 13:30era eta 16:00etatik 19:00etara. Halako ordutegia du e...

Gabonetako oporrak bukatzearekin batera, astelehenean ohiko ordutegira itzuliko dira Abaraxka Udal Ludoteka eta Gazte Informazio Bulegoa. Hala, Abaraxka arratsaldez egongo da zabalik, astelehenetik ostiralera, 16:30etik 19:30era. Gazte Informazio...

Gabonetako Kale Ekintzaren baitan, oporrei agur esan zieten herriko txikiek asteazkenean. Horrela bukatutzat eman zuten Gabonetako egitaraua. Aurrerantzean, ohiko moduan, Kale Ekintzako saioak larunbatetan egingo dituzte herrian, Ttak-ek antolatuta. Ha...

Errenteriako-Oreretako ezker abertzaleak batzorde informatiboez egiten den erabilera “gogor” kritikatu du. Agus Cano, Iñaki Queralt eta Santi Angulo zinegotzi abertzaleen arabera, batzorde informatiboak hilabetero egin behar direla zehaztuta dago, baina askotan ez direla egiten salatu dute “Udal Gobernuko kideek bileran eztabaidatzeko gairik ez dagoela argudiatzen dutelako”. Angulok azaldu duenez, oposizioko kideak ez daude liberatuta, eta horrenbestez, egunak erreserbatuta dituzte. Udal Gobernuko kideak, berriz, liberatuta daude, eta “maiz” ohiko bilerak bertan behera uzten dituztela, eta ondoren, ezohiko bilerak deitzen dituztela esan du. Liberatuta ez daudenak, baina, ezin dira joan bilkura horietara. Hala, Gobernu Taldeak batzordea “bere interesen arabera” erabiltzen duela salatu du. Eztabaidatzeko gairik ez dagoela, berriz, gezurtzat jo dute zinegotziek, eta hala, herritarrei eragiten dien hainbat gai gogorarazi dituzte. Ogasun batzorderi dagokionez, ez dela bildu salatu dute, eta zentzu horretan, 2011ko aurrekontuak (epe guztiak gaindituta dituen aurrekoaren jarraipena) eta saneamendu plana bezalako gai garrantzitsuak egin gabe dituela gogorarazi dute. Hirigintza eta ingurumen batzordeei dagokionez, berriz, azken hilabetean ez dela bilerarik egin jakinarazi dute, eta gaiak bazirela esan dute: Hirigintza Aholku Kontseiluko kideekin bilkura (duela bi urte eskatutakoa); auzoetan dauden arazoak (Olibeteko auzo elkartearen kexak); topoaren Herrera, Pasaia eta Galtzarabordako zatiaren gaineko informazioa zabaltzea; eta Ingurumen Aholku Kontseilua eratzea (Arartekoak hori [...]


Oreretako Amnistiaren Aldeko Mugimenduak Urdaburura mendi martxa egin zuen Urte Berri Egunean. Mendi martxaren gaineko bideo bat ere prestatu du.

Amurrioko Ikasle Egunaren ostean, Ikasle Egun Txikia antolatu dute Oarsoaldeko Ikasle Abertzaleek etzirako. Egun osoan zehar ez da ekitaldirik faltako, eta Ikasle Abertzaleek nabarmendu dute “jaia eta aldarrikapena” batuko dituen ekimena izango dela. Batik bat euskal hezkuntza eredu propioa sustatuko dute bertan: “Espainiako eta Frantziako estatuek inposatutako hezkuntza ereduei uko egin eta alternatiba propio eta zilegiak baditugula adierazi nahi dugu”. Hori laburbiltzen duen leloa dute: Eraikiz, borrokatuz, alternatibak sortuz. Egun luzea izango dute aurretik goizean goiz hasiko baitira ekimenekin goizaldeko ordu txikietara arte. Eguerdian atseden hartuko dute bertso bazkarian. Bertan, Gaztelumendi anaien konpainia izango dute, otordua ongi girotzeko. Bazkarirako txartelak 8 euroren truke lortu ahal izango dira Errenteria-Oreretako Landaren, Oiartzungo Makutxon eta Pasai Donibaneko Itziarren. Gauean eguna ongi bukatzeko musikari egingo diote tartea. Honako talde hauek joko dute Gaztetxean: Arma tiro punk, Skasti, Alanbrada eta Destr-oi!. Ikasle Abertzaletik adierazi dutenez, egun alaia izatea nahi dute, “baina atzean duguna ahaztu gabe, etorkizuneko Euskal Herrian merezi duen hezkuntza sistema aldarrikatuz”. Egitaraua 10:00: Ikastetxeen eta unibertsitateko ikasleen arteko olinpiada erreibindikatiboak Esmalterian. 12:30: Aldarrikapenez betetako kalejira herrian zehar. 13:00: Ekitaldia, Xenpelar plazan. 14:00: Bertso bazkaria Orereta ikastolan. 18:00: Joko poteoa Txiki tabernatik. 21:30: Kontzertuak gaztetxean: Arma tiro punk, Skasti, Alanbrada, Destr-oi!. Bazkarirako txartelak 8 [...]




Gipuzkoako Ligako lehenengo estropada izango da etzi Zumaian. Oarsoaldeak ordezkaritza zabala izango du txapelketan, guztira 27 batelek parte hartuko baitute. Estropada 16:00etan hasiko da. Haur Mailan, nesketan, lehiatuko dira eta Errenteria-Oreretako...

Osasunaren kontra jokatuko dute Oiartzungo neskek, etzidamu (igandean), 11:00etan Iruñean. Sailkapeneko laugarrenak dira oiartzuarrak, 26 punturekin.

Ohorezko Erregionalean Oiartzunek Tolosaren kontra jokatuko du, etzi, 15:45ean, Karla Lekuonan. Bosgarrenak dira oiartzuarrak, 30 punturekin.

La Anunciata ikastetxeko gaztetxoak Antxoko kaleetan ibili dira danborrak eta upelak astinduz San Sebastian Egunean. Goizeko hamarretan ikastetxetik atera eta Gure Zumardian azken danborkadak eman dituzte. Gurasoen begiradapean eta haiek zituzten kamer...
