
Donostiako Zatikako Planaren gaineko erakusketa jarri dute martxan Reina aretoan, eta abenduaren 20ra arte izango dute herritarrek aukera Jaurlaritzak eskualdean egin nahi dituen planen berri jasotzeko. Guztira, hogei panel dira, eta bertan Zatitako Pl...

Torturaren aurkako jardunaldiak antolatu dituzte San Pedron hilaren 17tik 19ra bitartean. Tortura Euskal Herrian izenburupean hitzaldia emango dute Iñaki Egañak, Victoria Mendozak eta Martxelo Otamendik, 19:30ean Proisan, eta ondoren, toki berean, to...

Javier Jacinto musikagile trintxerpetarrak bi kontzertu emango ditu urte bukatu bitartean. Horietan bi obra entzun ahal izango dira. Bata, Ola de Bronce izenekoa, bihar interpretatuko dute Badajozeko Filarmonika Elkartearen Musika Garaikidearen Zikloar...

Haurtzaro Ikastolak antolatuta, etzi txotxongilo emanaldia izango da udaletxeko areto nagusian. Arratsaldean, 18:00etan hasiko da emanaldia eta Donostiako Behi Bi’s taldeak eskainiko du. 1992. urtean sortutako konpainia da Behi Bi’s. Zenbait aro de...

Gaurko programazioa FM107an: 10:00etan, Arguyuan: 10:30ean: Gazte atala. 11:30ean: Joel Rodriguezen eskutik, zinema eta DVD estreinaldiak. 12:10ean: Eltze tartin. 13:15ean: Tertulia. 15:00etan: Albisteak. 17:00etan: Bertxoko. 18:00etan: Arguyuan (errep...

Illunbe-Trintxerpe Arraun Elkarteak urteroko batzarra egingo du hilaren 20an (astelehena). Lehenengo deialdia 19:00etan da, eta bigarrena 19:30ean. Batzarra Trintxerpeko alkateordetzan izango da. Bazkideei bilerara agertzeko eskatu diete elkartetik.

Gaur goizaldean, 28 urteko mutil bat atxilotu dute ertzainek Antxon. Aparkatuta zeuden zortzi autoetan lapurtzea egozten diote. Ertzaintzak Luzuriaga inguruan autoen artean norbait zebilela jakin dute eta lau auto irekita zeudela eta barruko gauzak nah...

Pasaiako Udalak lizitaziora atera du Donibaneko Alabortza berreskuratzeko proiektuaren idazketa. Alabortza “ingurumen balio bereziko eremutzat” hartzen denez, horren kontserbazioak lehentasuna duela nabarmendu du Udalak. Horrela, eremu hori...

Pinturas Iztieta dendak antolatzen duen pintura lehiaketaren XV. saioa aurkeztu dute Oarsoaldeko margolarientzat. Gaia eta teknika librea landu beharko dute parte-hartzaileek, baina 81×50 zentimetroko neurria izan beharko dute gehienez lanek. Hila...


Eguberriaren biharamunarekin atzo arratsaldean bertso saioa izan zen Errenteria Hiria Kulturgunean. 60 inguru bertsozale bildu ziren saioarekin gozatzeko asmoz. Oholtza gainean Igor Elortza, Oihana Bartra, Jexux Mari Irazu eta Unai Agirre izan ziren es...

Atzo Mitxintxola mendi lasterketa jokatu zuten eta Iñaki Lopetegik irabazi zuen proba 17:51eko denbora eginez. Bigarren sailkatua Alberto Chacon izan zen eta hirugarrena, berriz, Josean Daboz. Helmugara iritsi zen lehen emakumea Isabel Mendibil izan z...

Bidasoko herritarrek nahiz beste txokoetakoek Hondarribia eta Irun sakonago ezagutzeko aukera jarri du Bidasoa bizirik taldeak bertako bi udalekin batera. Ezagutza hori bisita gidatuen bitartez egingo dute eta horietako batzuk haurrei zuzenduta eta beste batzuk publiko orokorrari begirakoak dira. Bihar eta etzi Hondarribiko txokoak ezagutzeko aukera izango dute parte-hartzaileek. Goizean 7 eta 11 urte bitarteko gaztetxoen txanda izango da. Hitzordua goizeko hamaiketan jarri dute, Arma plazan dagoen turismo bulegoan, hain juxtu. Bisita gidatua euskaraz izango da. Arratsaldean, berriz, publiko orokorrak izango du aukera Hondarribia ezagutzeko. Arratsaldeko lauretan elkartuko dira parte-hartzaileak Arma plazako turismo bulegoan. Kasu honetan, bisitak euskaraz, gazteleraz eta frantsesez izango dira. Biak ala biak musu-truk izango dira eta ordubete inguru iraungo dute. Irungo txokoak ezagutuz Hondarribia ezagutu eta oraindik Bidasoa gehiago ezagutzeko jakin minez geratu denak badu beste aukera, Irungo txokoak deskubritzea. Lehen bisita gidatua ostegunean izango da, hilak 30, eta adin guztietako herritarrei zuzendua dago. Arratsaldeko lauretan hasiko da bisita Irungo turismo bulegotik hasita, eta ordubetez herriko bazterrez gozatzeko aukera izango dute. Etzi ezin dutenek beste aukera izango dute urtarrilaren 4an ordu eta toki berean. Urtarrilaren 4ean eta 5ean 7 eta 11 urte bitartekoen txanda izango da. Bisita goizeko hamaiketan hasiko da Irungo turismo bulegotik. Izena emateko [...]

Gabonak direla eta, Gazte Informazio Bulegoak ordutegi berria izango du urtarrilaren 9ra bitartean. Egun hauetan, astelehenetik ostiralera 10:00etatik 13:00etara egongo da irekita Mendiburu kaleko bulegoa. Larunbatetan itxita egongo da, jai egunak dire...

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: Oarsoaldeko berriak, Oarso Bidasoko Hitza-ko zuzendari Urko Etxebesteren eskutik. 12:10ean: Entzulearen Egunean bizitakoa kontatuko dute. 13:15ean: Kirol informaz...

Estu, baina gobernu taldeak Pasaiako Udalaren plan ekonomiko finantzarioa aurrera ateratzea lortu du. Kontra PSE-EE eta PP agertu dira, baina gainontzeko taldeak abstenitu egin dira (EB, H1 eta EAJ), eta plan ekonomikoa onartu dute gobernu taldearen ...

Dagoeneko erabakita daude Xanisteban Eguneko Banakako Pala Txapelketako finalak: nesketan, Amaia Agirre eta Oihana Korta V ariko dira elkarren kontra. Mutiletan, berriz, Jon Gelbentzu eta Imanol Otegi. Egunetako egitarauari dagokionez, Xanisteban Eguna aipatutako finalekin hasiko da. Ondoren, 14:30ean, gazte bazkaria egingo dute Girizia elkartean (txartelak salgai daude Amazkarren eta Makutxon). 17:00etan, triki-poteoa egingo dute herrian zehar. 19:00etan, Arditurriko bidegorria antzezlanaz gozatzeko aukera izango da, udaletxeko areto nagusian. 21:00etan, eguna bukatzeko, kontzertuak izango dira Kontzejupean: Arrabots (erromeria) eta We&Dem (Bob Marley-ren bertsioak). Egun guztian zehar, bestalde, Oiartzun Irratiak Entzulearen Eguna ospatuko du. Giriziak, Kataxulok eta Ttur-tturrek antolatu dute Xanisteban Eguna, Udalaren laguntzarekin.

Azken hilabeteak lanean eman ondoren, Olentzeroren Laguntzaileek dena prest dute Olentzero herrian hartzeko. Hala, bihar izango da Olentzeroren etorrera, txikienen gozagarri, 17:30ean, Doneztebe plazan.

Errenteriako Udalbatzak Euskara Aholku Kontseilua martxan jartzeko bidea ireki du gaur, kontseilu hori martxan jartzeko araudia onartu baitu. Udal talde guztien onarpena jaso du gai zerrendako bigarren puntuak; alegia, Errenteriako Udaleko Euskara Aholku Kontseiluaren araudia onartzeko proposamena aho batez atera da aurrera. Ohiko udalbatzarra izan da gaurkoa, nahiz eta ohi baino astebete lehenago egin, baina Gabonak direla eta, aurreratzea erabaki dute. Gabonen eraginez, gaurko gai zerrendak hiru puntu baino ez zituen. Ohi bezala, alkatearen, zinegotzi ordezkarien eta Tokiko Gobernu Batzordearen ebazpenen berri ematen hasi dute udalbatzarra. Ondorengo puntuan eman dute aholku kontseiluaren berri eta eztabaidara pasatu dira. Talde guztiek eman dute beren oniritzia. Joxe Mari Burgos Hamaikabateko ordezkariak “euskara sustatzeko tresna erabilgarritzat” jo du. Maite Peña EAJko ordezkariaren esanetan, “garaia da” Errenteriako Udalean ere euskararen aldeko plan estrategiko bat egiteko. Santi Angulo ezker abertzaleko zinegotziak ere planaren alde azaldu da, baina eskatu du Euskara Aholku Kontseiluan gainontzeko kontseiluetan gertatzen dena ez gertatzea. Hala ere, pozik agertu da ezker abertzaleak egindako hainbat ekarpen onartu direlako eta herritarren parte-hartzea sustatuko delako. Maite Peña Euskara zinegotziak eman du kontseiluaren berri. Euskara sustatzeko Udalak emandako pausoen baitan kokatu du plana. Kontseiluak, batetik, herritarrak inplikatzeko balioko duela nabarmendu du Peñak, eta bestetik, euskararen sustapena eta [...]