Ipuinak eta ilustrazioak uztartuko dituzten saioak, bihar

Haurtzaro Ikastolak antolatu ditu saioak
pello añorga

Pello Añorgak 5 eta 10 urte arteko haurrei ipuinak kontatuko dizkie.

Haurtzaro Ikastolak haurrentzako literatura eta ilustrazioak nahasten dituen bi saio antolatu ditu bihar —maiatzak 26— arratsalderako, Ipuin-Kontaketa Ilustratuak izenburupean.

Adinen arabera banatu dituzte bi saioak. Bost eta hamar urte bitarteko haurrentzako ekitaldia Manuel Lekuona udal bibliotekan izango da. Elkarren arteko marrazki eta liburuekin kontaketan izena jarri diote saioari. Pello Añorga izango da ipuin kontalaria, eta harekin elkarlanean hainbatetan aritu den Jokin Mitxelena izango da ilustrazioak egiteko arduraduna.

Bi eta lau urte arteko umeentzako jarduera, berriz, Urmendi haur eskolan egingo dute, Kontu-Kantu eta marraztu izenarekin. Lur Korta ariko da ipuin kontaketan eta kantuan eta Idoia Beratarbidek hartuko ditu margoak.

Bi saioak 17:30ean hasiko dira.

Ez dago ekarpenik

Egin iruzkin bat

*

*


*

Albiste irakurrienak

Send this to friend