Babesa atxilotutako Oreretako lau gazteentzat

Astelehenean, hilak 11, sei hilabete beteko dituzte preso Iruñako manifestazio batean atxilotutako lau gazteek. Etorkizunaren Alde plataforma herritarrak elkarretaratzea deitu zuen atzorako eta jende ugari bildu zen Herriko Plazan.

Ainhoa Mariezkurrena

Errenteria-Orereta

2017/09/09

Elkarretaratzea Oreretako lau atxilotuen alde

Astelehenean, hilak 11, sei hilabete beteko dituzte preso Iruñako manifestazio batean atxilotutako Oreretako lau gazteek. Etorkizunaren Alde plataforma herritarrak elkarretaratzea deitu zuen atzorako eta jende ugari bildu zen Herriko Plazan. “Terrorismo delitua” egotzi diete gazte hauei Errepresioari Autodefentsa izenpeturiko manifestazioan parte hartzeagatik. Haietako hiru espetxean daude martxoaren 11tik eta laugarrena aske dago, adingabea delako. Etorkizunaren Alde plataformak zein Oreretako 4ak Askatu plataformak hamaika erantzun eman dituzte gertakariaz geroztik, atzoko elkarretaratzea tarteko. “Manifestazio bateko zenbait istilu terrorismo gisa kalifikatzeko arrisku hori mehatxu guztiz desproportzionatua da, ez dator bat errealitatearekin. Eta Ruben, Endika eta Asier denbora honetan guztian jasaten ari diren zigorra neurrigabea, bidegabea eta justifikaziorik gabea da. Gazteok preso edukitzea, errugabetasun-presuntzioa aintzat hartu gabe, besteak beste, epaiketarik gabeko kondena bat da, beren ikasketak, lana eta bizitza guztia eteten dituena”. Hitz hauekin amaitu dute elkarretaratzea. Egoeraren larritasuna, gazteon askatasuna eta epaiketa balego epaitegi arruntean egitea eskatzen dute mugimenduek. Bi plataforma horietako kideek barnetik hitz egin diote gaiaz BERRIA egunkariari.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.