Lehenengo ekimen literarioa, (ia) biribila

Euriak ekitaldia bibliotekara lekualdatzea behartu zuen; Martxel Mariskalen 'Azken zakatzak' liburua izan du oinarri

2017/10/02

Ainara Lasa izan zen poemak errezitatu zituenetako bat.

Oiartzungo Irakurketa Taldeak eta Oiartzun Azmarrin-ek antolatutako lehen ekimen literarioa egin zuen atzo. Hipatiaren lorategian egitekoak ziren, baina eguraldiak Manuel Lekuona bibliotekara lekualdatzea behartu zuen. Hori izan zen ekitaldia biribila ez izateko arrazoi bakarra. Hortik aurrera, saio intimo eta polita izan zen. Martxel Mariskal Balerdi hondarribiarraren Azken zakatzak liburua izan zuen ardatz Goiatz Labandibarrek gidatutako saioak. Ainara Lasak, Oier Guillanek eta Alaia Martinek zein Ekain Telletxea eta Malen Etxebeste haurrek Mariskalen poemak errezitatu zituzten. Liburuaren egileak berak ere hartu zuen bere lana errezitatzeko tartea, eta Labandibarren zein publikoaren galderei erantzun zien. Sorpresa hunkigarri bat ere prestatuta zuten. Mariskal Haurtzaro Ikastolan aritu zen lanean, eta bere lankide ohi batzuek —Elias Arizmendi, Maite Gomez, Kristina Boan eta Inazio Retegik— ekitaldian protagonismoa izan zuten. Alde literarioaz gain, Aiur Retegik gitarrarekin eta Edurne Saizarrek pianoarekin saioa musikaz jantzi zuten. Idoia Beratarbidek, berriz, koadro bat margotu zuen ekitaldiak irauten zuen bitartean. Sentsazio onarekin geratu ziren antolatzaileak, parte hartzaileak zein ikus-entzuleak ere. Ziur bigarren atala idazten ariko direla.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lehenengo ekimen literarioa, (ia) biribila

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik