Oiartzungo garagardo festan, badok hamahiru

Asteazkenetik larunbatera ospatuko dute Oiartzungo garagardo festa

2017/10/09

Oiartzungo XIII. Garagardo Festa mota ezberdinetako garagardoak probatzeko aukera ona izango da.

Asteazken arratsaldetik larunbat gauera bitartean, garagardoa izango da protagonista Oiartzunen. Garagardoa, eta berarekin lotutako elikagaiak, zehazki izateko. Hamahirugarren aldiz antolatu dute garagardo festa. Igor Ibarguren da antolakuntza lanetan, lehenengo ekitalditik, ibiltzen denetako bat. Jakinarazi duenez, hamazazpi garagardo egongo dira, denak Euskal Herritik kanpokoak: Galiziakoa, Kataluniakoa, Belgikakoak, Bretainiako bat, Ingalaterrakoak, Alemaniakoak eta txekiarra. Glutenik gabeko garagardoa edo alkoholik gabea nahi duenak, aukera izango du. Bi pitxar mota egongo dira, litro erdikoa eta litro laurdenekoa. Bi euro balioko du edalontzi handienak, eta besteak euro eta erdi. “Garagardoei dagokionez”, jarraitu du Ibargurenek, “batzuk bereziak izango dira —nahiz eta denak bereziak diren—, eta prezioa garestiagoa izango dute garagardo batzuek. Hiru euro erdi eta hiru euro, pitxar handietan. Txikietan bi euro eta erdi eta bi euro izango dira”. Garagardoak sabelean kolpe gogorrik eman ez dezan, janaria ere salduko dute Done Eztebe plazan egingo duten festan. Ukondoa, saltxitxak, entsaladak, saiheskia eta, postrerako, herriko gazta eta irasagarra. Gainera, bertako gozotegi batek egiten duen pastela gozatzeko aukera ere egongo da. Bertako produktuak Karpa asteazkenetik larunbatera 19:00etatik 01:00era irekita egongo da (larunbatean ordubete lehenago irekiko dute). Egunero, 22:00etatik 23:00etara zozketak egingo dituzte. Ibargurenek azaldu duenez, herriko arrandegi, harategi, jatetxeek eta beste hainbatek produktuak ematen dizkiete, zozka ditzaten. Euren filosofia herriko produktuak —Labore kooperatiban eta herriko denda txikietan— erostea dela nabarmendu du, eta halakorik ez bada, kanpora jotzen dute. Garagardoa hornitzen duten enpresak ere Oiartzungoak direla aipatu du Ibargurenek. Bestalde, aurreko bi urteetan arrakasta izan duen jarduera bat errepikatuko dute aurten ere: gaztaina jatea. Kasu honetan, herriko gaztainak ez dira egokienak, eta kanpotik ekarri behar dituzte. Aurten asteazkenean eta larunbatean egiteko asmoa daukate. Jatorria, Karaezen Lehenengo garagardo festa 2005ean egin zuten. Ibargurenek gogorarazi du nola sortu zen ideia: “Oiartzun Karaezekin senidetua dago. Hemendik hara joaten hasi ginen, eta hango garagardotegi bat ezagutu genuen. Intxaurrondoko garagardo festa ere ezagutzen genuen, eta gustatzen zitzaigunez, hau sustatzen hasi ginen bost lagun. Berez helburua da, garagardo feria antolatu, zorrik ez egin eta egun txukun batzuk ospatu”. Garagardo festaren bueltan hainbat ekitaldi ere antolatzen dituzte. Aurreko urteetan kontzertuak eta bertso saioak antolatu izan ohi dituzte, baina ez da aurtengo kasua izango. Larunbatean, haurrentzako puzgarriak jarriko dituzte, eta txokolate jatea ere egingo dute. Goizalderako, karpa itxi ondoren, herriko gazteek gymkana antolatu dute beren kabuz. Oarso Bidasoko Hitzak zozketa antolatu du, bere harpidedunentzako. Irabazleak bi menu eta bi garagardo izango ditu saritzat. Parte hartzeko, sakatu esteka.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Oiartzungo garagardo festan, badok hamahiru

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean