[Bideoa eta galeria] Irria Harro piztu dute txupina haurrek

Haurren Jai Batzordeak mimoz eta maitasunez josi duen Irria Harro! kanta zuzenean abestu, dantzatu eta entzuteko parada izan da.

Ikerne Zarate Gartziarena

Errenteria-Orereta

2018/07/21

Txupinazo txikiak gainezka egin du Koldo Mitxelena plazan.

Haurrek hasi dute festa. 17:30ean egin dute Koldo Mitxelena plazan Mila Koloretako Txupinazo Txikia, eta aurretik, Haurren Jai Batzordeak mimoz eta maitasunez josi duen Irria Harro! kanta zuzenean abestu, dantzatu eta entzuteko parada izan da. Konfeti eta serpentinen artean hasi dute jaia, inoiz baino jendetsuagoa izan den txupinazo txikian, eta hamaika kolore eta tamainatako globoek ere hartu dute plaza. Txupinazo nagusia 19:00etan puntu puntuan izango da eta dagoeneko Herriko plazara hurbiltzen hasi da jendea lekua hartzeko. Auzo elkarteek piztuko dute madalenei hasiera emango dien txupina. Merezitako omenaldia jasoko dute, gaur egun, baita aurretik ere modu boluntarioan Errenteria-Orereta herri hobeagoa egiteko lan eskerga egin duten hamarnaka eta hamarnaka herritarrek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.