OB: «Aurrekontua behera eta atez atekoa, aldiz, gora
Azkeneko udalbatzarrean (pasa den asteazkenean) onartutakoaren baitan, aurten, aurrekontu orokorrak behera eta atez atekoaren aurrekontuak gora egingo duela salatu du OiartzunBaik (OB). «Oiartzungo Udal Gobernuak onartu berri duen aurrekontua iazkoa baino 700.000 euro gutxiagokoa da. Inbertsioak behera egiten dute, sarrerek behera egiten baitute, baina atez atekoa, iaz baino gehiago kostako da. Aurten 1.500.000 euro kostako zaigu atez atekoa herritarroi», kritikatu du. Zaborra lau edukiontziekin biltzen zenean, 700.000 euro kostatzen zela nabarmendu du OiartzunBaik, «orain onartu denaren erdia baino gutxiago», gaineratu du. «Alkateak hala ere merkeagoa dela esaten jarraitzen du», gaitzetsi du OBk. Udalbatzarrean, eztabaida Pasa den udalbatzarrean, OBk aurrekontuaren kontra bozkatu zuen eta atez atekoari buruzko puntua izan zen eztabaida gehien piztu zuena. Xanet Arozena bozeramaileak esan zuen 1.500.000 euro gehiegi zirela atez atekoarentzat, eta diru hori horretan inbertituko ez balitz, inbertsio asko egin ahal izango liratekeela Oiartzunen. Aitor Etxeberria alkateak erantzun zion, datu hori ez dela zuzena: «Atez atekoaren kostua 835.000 euroko da (gainontzeko gastuak kale garbiketari eta beste zerbitzu batzuei dagozkie eta aparte doaz, baina baita beste sistemetan ere). 700.000tik horra diferentzia ez da hainbestekoa». Bestalde, Etxeberriak adierazi zuen lau edukiontzien sistema garestiagoa dela, eta are gehiago bost edukiontziena: «Duela gutxira arte genuen sistema hori edo bost edukiontziena [...]
Azkeneko udalbatzarrean (pasa den asteazkenean) onartutakoaren baitan, aurten, aurrekontu orokorrak behera eta atez atekoaren aurrekontuak gora egingo duela salatu du OiartzunBaik (OB).
«Oiartzungo Udal Gobernuak onartu berri duen aurrekontua iazkoa baino 700.000 euro gutxiagokoa da. Inbertsioak behera egiten dute, sarrerek behera egiten baitute, baina atez atekoa, iaz baino gehiago kostako da. Aurten 1.500.000 euro kostako zaigu atez atekoa herritarroi», kritikatu du.
Zaborra lau edukiontziekin biltzen zenean, 700.000 euro kostatzen zela nabarmendu du OiartzunBaik, «orain onartu denaren erdia baino gutxiago», gaineratu du. «Alkateak hala ere merkeagoa dela esaten jarraitzen du», gaitzetsi du OBk.
Udalbatzarrean, eztabaida
Pasa den udalbatzarrean, OBk aurrekontuaren kontra bozkatu zuen eta atez atekoari buruzko puntua izan zen eztabaida gehien piztu zuena. Xanet Arozena bozeramaileak esan zuen 1.500.000 euro gehiegi zirela atez atekoarentzat, eta diru hori horretan inbertituko ez balitz, inbertsio asko egin ahal izango liratekeela Oiartzunen.
Aitor Etxeberria alkateak erantzun zion, datu hori ez dela zuzena: «Atez atekoaren kostua 835.000 euroko da (gainontzeko gastuak kale garbiketari eta beste zerbitzu batzuei dagozkie eta aparte doaz, baina baita beste sistemetan ere). 700.000tik horra diferentzia ez da hainbestekoa».
Bestalde, Etxeberriak adierazi zuen lau edukiontzien sistema garestiagoa dela, eta are gehiago bost edukiontziena: «Duela gutxira arte genuen sistema hori edo bost edukiontziena garestitzen joango dira, ez ordea atez atekoa. Hasieran inbertsio gehiago behar du bai, baina kosteak gero finkatu egiten dira eta materiala saltzeagatik ere dirua biltzen dugu». Jendea zifrekin ez nahasteko eskatu zion alkateak OBri.
