Defentsa pertsonal ikastaroa antolatu du Bekoz Bekok
Bekoz Beko elkarteak defentsa pertsonal ikastaroa antolatu du, 13-18 urteko neskentzat. Hilaren 21ean hasiko dira ikastaroarekin Antxoko Emso gimnasioan, behar adina neskek izena ematen badute (10-12). Ikastaroak aurrera egiten badu, ostiraletan emango...
Bekoz Beko elkarteak defentsa pertsonal ikastaroa antolatu du, 13-18 urteko neskentzat. Hilaren 21ean hasiko dira ikastaroarekin Antxoko Emso gimnasioan, behar adina neskek izena ematen badute (10-12). Ikastaroak aurrera egiten badu, ostiraletan emango lituzkete eskolak, 20:00etatik 21:30era, eta martxoaren 11 izango litzateke azken eguna.
Doako ikastaroa da, Bekoz Beko elkarteak eta Udalak diruz lagundutakoa delako. Izena eman nahi dutenek Aguirrebeñatik pasatu behar dute. Bertan datuak hartuko dizkiete eta ikastarorako taldea osatzen bada, lehenbailehen abisatuko diete interesdunei.
