Ikasle Egun Txikian, festa eta aldarrikapena
Egun osoan zehar herriko gazteek hainbat ekitalditara joateko aukera izango dute Ikasle Abertzaleek antolatutako Ikasle Egun Txikiaren baitan. Goizean olinpiadak izan dituzte, eta eguerdian manifestazioa egin dute herriko kaleetatik, Eraikiz, borrokatu...
Egun osoan zehar herriko gazteek hainbat ekitalditara joateko aukera izango dute Ikasle Abertzaleek antolatutako Ikasle Egun Txikiaren baitan. Goizean olinpiadak izan dituzte, eta eguerdian manifestazioa egin dute herriko kaleetatik, Eraikiz, borrokatuz, alternatibak sortuz lelopean. Antolatzaileen arabera, batik bat euskal hezkuntza eredu propioa sustatuko dute egunean zehar: “Espainiako eta Frantziako estatuek inposatutako hezkuntza ereduei uko egin eta alternatiba propio eta zilegiak baditugula adierazi nahi dugu”.
Eguerdian bertso bazkaria izango da eta gauean kontzertuak. Xehetasun guztiak beheko egitarauan ikus daitezke:
Egitaraua
10:00: Ikastetxeen eta unibertsitateko ikasleen arteko olinpiada erreibindikatiboak Esmalterian.
12:30: Aldarrikapenez betetako kalejira herrian zehar.
13:00: Ekitaldia, Xenpelar plazan.
14:00: Bertso bazkaria Orereta ikastolan.
18:00: Joko poteoa Txiki tabernatik.
21:30: Kontzertuak gaztetxean: Arma tiro punk, Skasti, Alanbrada, Destr-oi!. Bazkarirako txartelak 8 euroan lor daitezke Landaren (Orereta), Makutxon (Oiartzun) eta Itziarren (Pasai Donibane).
