Traineruekin hitzordua, igandean, 11:00etan
Hondarribiko Traineruen XI. Jaitsiera egingo dute etzi (igandea) Hondarribian. 11:00etan hasiko da denboraldia prestatzeko estropada, eta bertan, denera, 34 traineru izango dira lehian: bost Beteranoen Mailan; lau Emakumeen Mailan eta gainontzeko 25ak, seniorretan. Hondarribia Arraun Elkarteak antolatuko du proba. Seniorrek ziaboga bakarreko bidea egin beharko dute, eta 1982ra arte Kontxako sailkapenerako (Hondarribian egiten zen) estropada eremua erabiliko dute horretarako. Beteranoek eta emakumeek ere ziaboga bakarreko bidea egingo dute, baina seniorrena baino laburragoa. Erlojuaren kontrako proba izango da, eta minuturo aterako dira traineruak hondartza ondoko irteeratik. Traineru onenak Arraunaren ikuskizunaz gozatzeko aukera izango da, beraz, igandean Hondarribian. 34 traineruek kolore berezia emango diote herriari. Hala, Beteranoen Mailan, Ur Kirolak, Fortuna, Ibaialde, Lutxana-Deusto eta Getxo izango dira lehian. Emakumeen estropadako partaideak honakoak dira: Orio, San Juan, Getaria-Donostia eta etxekoak, Hondarribia. Seniorretan, berriz, Kantauriko trainerurik indartsuenak sasoiari begira probak egiten hasiko dira. Hala, Urdaibaiko, Kaikuko edo Castroko traineruak Hondarribin izango dira. Eta nola ez, Oarsoaldeko eta Bidasoko traineruak ez dira faltako: San Pedro A, B eta C; Hondarribia A eta B; San Juan A eta B nahiz Trintxerpe Illunbe izango dira lehian. Gainera, Club Rem Badalona (Badalona, Bartzelona, Herrialde Katalanak) ere Hondarribian izango da etzi. Eguraldiaren zain Iganderako eguraldi iragarpenak ez dira onak. [...]
Hondarribiko Traineruen XI. Jaitsiera egingo dute etzi (igandea) Hondarribian. 11:00etan hasiko da denboraldia prestatzeko estropada, eta bertan, denera, 34 traineru izango dira lehian: bost Beteranoen Mailan; lau Emakumeen Mailan eta gainontzeko 25ak, seniorretan. Hondarribia Arraun Elkarteak antolatuko du proba.
Seniorrek ziaboga bakarreko bidea egin beharko dute, eta 1982ra arte Kontxako sailkapenerako (Hondarribian egiten zen) estropada eremua erabiliko dute horretarako. Beteranoek eta emakumeek ere ziaboga bakarreko bidea egingo dute, baina seniorrena baino laburragoa. Erlojuaren kontrako proba izango da, eta minuturo aterako dira traineruak hondartza ondoko irteeratik.
Traineru onenak
Arraunaren ikuskizunaz gozatzeko aukera izango da, beraz, igandean Hondarribian. 34 traineruek kolore berezia emango diote herriari. Hala, Beteranoen Mailan, Ur Kirolak, Fortuna, Ibaialde, Lutxana-Deusto eta Getxo izango dira lehian. Emakumeen estropadako partaideak honakoak dira: Orio, San Juan, Getaria-Donostia eta etxekoak, Hondarribia. Seniorretan, berriz, Kantauriko trainerurik indartsuenak sasoiari begira probak egiten hasiko dira. Hala, Urdaibaiko, Kaikuko edo Castroko traineruak Hondarribin izango dira. Eta nola ez, Oarsoaldeko eta Bidasoko traineruak ez dira faltako: San Pedro A, B eta C; Hondarribia A eta B; San Juan A eta B nahiz Trintxerpe Illunbe izango dira lehian. Gainera, Club Rem Badalona (Badalona, Bartzelona, Herrialde Katalanak) ere Hondarribian izango da etzi.
Eguraldiaren zain
Iganderako eguraldi iragarpenak ez dira onak. Euria egiteko arriskua dago eta itsaso mugitua espero da. Hala, eguraldiagatik ohiko ibilbidea egiterik ez bada, bigarren aukera prestatu dute Hondarribia Arraun Elkarteko kideek: Bidasoa pasealekuaren ondotik aterako lirateke traineruak, handik Santiagoko Nazioarteko zubira joateko; bertan ziaboga egin eta irteerara itzuliko lirateke traineruak, eguraldi txarrarekin betiere.
Irabazleak
Hondarribiko Traineruen Jaitsieraren XI. ekitaldia izango da aurtengoa. Aurrekoetan, lautan, Ama Guadalupekoa ontzia izan da nagusi (2001, 2002, 2003 eta 2006 urteetan); Astillerok bitan irabazi du prestaketa estropada (2004an eta 2005ean), Urdaibaik bezala (2009an eta iaz). Oriok (2007an) eta San Pedrok (2008an) behin irabazi dute estropada.
Hondarribiak 2001ean, 2002an, 2003an eta 2006an irabazi du etxeko prestaketa proba
