Adin txikiko bat harrapatu zuen gidariari, sei hilabeteko espetxe zigorra ezarri diote
adin txikikoa harrapatu eta alkoholemia proban positibo eman zuen gidariari 6 hilabeteko esopetxe zigorra ezarri diote
Adin txikiko bat harrapatu zuen gidariari sei hilabeteko espetxe zigorra ezarri diote. Halaber 540 euroko kalteordaina ezarri dio epaitegiak. Diru kopuru hori, harrapatu zuen adin txikikoaren amari ordaindu beharko dio. Gertaera 2008ko apirilaren 27 an jazo zen, Pontika kalean, arratsaldeko zazpi terdiak aldera, adin txikikoa espaloitik oinezkoen bidera irten zenean. Orain zigortu duten gidariak ezin izan zuen autoa garaiz gelditu oinezkoen pasabidera iritsi zenean, ez zuelako ikusi adin txikikoa ikusi, eta harrapatu egin zuen. Istripuaren ostean alkoholemia proba egin zioten bi aldiz auto gidariari eta bietan positibo eman zuen, 0,5 eta 0,45, hurrenez hurren. Epaiak azaltzen duenez, aipatu gidariak “edari alkoholdunak kontsumitu ostean, ez zuen ongi gidatzeko gaitasunik”. Adin txikikoak hainbat zauri izan zituen istripuaren ondorioz, eta gertakariak arrastorik utzi ez badio ere, guztira, 80 egun behar izan zituen erabat osatzeko. Halaber, epaiak azaltzen duenez “adin txikikoak istripuaren ondorioz izandako zauri eta lesioak sendatzeko 1646 euro gastatu behar izan zituzten, desplazamenduak, farmazia, ortopedia eta laguntza ordaintzeko”.
