Ereintzaren azeri-dantzarekin hasiko dira bihar Inauteriak
Urtero bezala, Ereintza elkarteak antolatutako azeri-dantzarekin hasiko dira bihar Inauteriak. Herriko kaleetan barrena desfilea egin ondoren, arratsaldeko zortzietan izango da Herriko Enparantzan ekitaldi nagusia. Aurtengoan, baina, ez da bakarrik helduko Ereintzaren azeri-dantza, Errenteria Musikaleko euskal dantza, txistu, trikitixa eta pandero ikasleek ere estreinakoz egingo dutelako dantza mota hori. Azken horiek, 19:00etatik aurrera egingo dute emanaldia Xabier Olaskoaga plazan. Etzi, konpartsak izango dira protagonista. Horretarako, aurtengo Inauterien desfilean parte hartuko duten hamaika konpartsen aurkezpena egingo dute Galtzarabordako kiroldegian, 19:30etan. Bertan izango dira Kaos; Odissey; Eureka; Alaia; Telleri ikastetxeko Guraso Elkartea; Gaztedi Txiki, Danza-rin; Langaitz; Furius; Show Times eta Sayari. Etzidamu, Jaiki Orereta Kultur Elkarteak antolatutako mozorro eta parodia lehiaketak hartuko ditu kaleak, 18:00etatik aurrera. Gamon Zumardian hasiko dute kalejira, eta Herriko Enparantza, Madalena Ermita eta Xenpelar kalean barrena ibiliko dira, berriz ere Zumardira itzuli eta bertan amaitzeko. Ordu erdi beranduago konpartsen desfileak kaleak musikaz eta kolorez beteko ditu. Bost konpartsa ariko dira: Danza-rin, Udal Ludotekak, Telleri Ikastetxeko Guraso Elkartea, Kaos eta Langaitz. Konpartsek honako ibilbidea egingo dute: Errioxako biribilgunea; Tulle; Maria Lezo; Biteri; Segundo Izpizua; Nafarroa etorbidea eta Zumardia. Konpartsen desfilearen ostean, zezensuzkoek hartuko dute Zumardia. Igande eguerdian, konpartsak ibiliko dira kaleetan barrena. Desfile horretan, baina, hamabi konpartsek eta 1.500 lagunek [...]
Urtero bezala, Ereintza elkarteak antolatutako azeri-dantzarekin hasiko dira bihar Inauteriak. Herriko kaleetan barrena desfilea egin ondoren, arratsaldeko zortzietan izango da Herriko Enparantzan ekitaldi nagusia. Aurtengoan, baina, ez da bakarrik helduko Ereintzaren azeri-dantza, Errenteria Musikaleko euskal dantza, txistu, trikitixa eta pandero ikasleek ere estreinakoz egingo dutelako dantza mota hori. Azken horiek, 19:00etatik aurrera egingo dute emanaldia Xabier Olaskoaga plazan.
Etzi, konpartsak izango dira protagonista. Horretarako, aurtengo Inauterien desfilean parte hartuko duten hamaika konpartsen aurkezpena egingo dute Galtzarabordako kiroldegian, 19:30etan. Bertan izango dira Kaos; Odissey; Eureka; Alaia; Telleri ikastetxeko Guraso Elkartea; Gaztedi Txiki, Danza-rin; Langaitz; Furius; Show Times eta Sayari.
Etzidamu, Jaiki Orereta Kultur Elkarteak antolatutako mozorro eta parodia lehiaketak hartuko ditu kaleak, 18:00etatik aurrera. Gamon Zumardian hasiko dute kalejira, eta Herriko Enparantza, Madalena Ermita eta Xenpelar kalean barrena ibiliko dira, berriz ere Zumardira itzuli eta bertan amaitzeko.
Ordu erdi beranduago konpartsen desfileak kaleak musikaz eta kolorez beteko ditu. Bost konpartsa ariko dira: Danza-rin, Udal Ludotekak, Telleri Ikastetxeko Guraso Elkartea, Kaos eta Langaitz. Konpartsek honako ibilbidea egingo dute: Errioxako biribilgunea; Tulle; Maria Lezo; Biteri; Segundo Izpizua; Nafarroa etorbidea eta Zumardia. Konpartsen desfilearen ostean, zezensuzkoek hartuko dute Zumardia.
Igande eguerdian, konpartsak ibiliko dira kaleetan barrena. Desfile horretan, baina, hamabi konpartsek eta 1.500 lagunek hartuko dute parte. Aurreko eguneko bost konpartsekin batera, Sayari; Furius; Odissey; Eureka; Alaia; Gaztedi Txiki eta Showtime ariko dira.
Sardinaren Ehorzketa
Asteartean, Ereintza elkarteak antolatutako Sardinaren Ehorzketarekin amaituko dira Inauteriak. Musika Kultur Elkarteko Bandaren doinuek lagunduta, Bittor Idiazabal, Alaberga, Biteri, Xenpelar eta Herriko Enparantza zeharkatu ostean, Zumardian azken bertsoak botako dizkiote sardinari Panier zubitik Oiartzun ibaira bota aurretik.
