Egiteko asko falta dela gogoratzeko eguna
Hauek dira erakundeek, emakume taldeek eta gizarte eragileek gaurko Irunen antolatu dituzten ekintzak: Argoiak elkarteak antolatuta, 12:00etan Meza San Jose langilearen parrokian (Larreaundi). 14:00etan emakumeentzako bazkaria Munantxo jatetxean, Irun...
Hauek dira erakundeek, emakume taldeek eta gizarte eragileek gaurko Irunen antolatu dituzten ekintzak:
- Argoiak elkarteak antolatuta, 12:00etan Meza San Jose langilearen parrokian (Larreaundi). 14:00etan emakumeentzako bazkaria Munantxo jatetxean, Irungo eta Hondarribiko emakume guztiei irekita.
- Udaleko Gizarte Ongizate arloak antolatuta, kale antzerkia: Ipso Facto konpainiak Martxoaren 8a 100 urtez antzeztuko du Colon pasealekuan (Luis Mariano inguruan), 11:30etik 13:30era.
- Bilgune Feministak erakusketa bikoitza muntatuko du 17:30etik 19:00etara Luis Marianon. Batetik, hiriko puntu beltzen mapa azalduko dute, eta bestetik, emakumeek Irun eraikitzen izandako garantzia agertuko dute.
- Elkarretaratzea, 19:00etan Oiasso erromatar museoan. Egunero izan beharko luke Martxoak 8 leloarekin.
Horrez gain, martxoaren 8aren harira, Oiasso erromatar museoak Pilar Utrilla Zaragozako Unibertsitateko Historiaurreko katedradunari elkarrizketa egin dio. Museoko webgunean ikus daiteke.
