La3 konpartsa izan da desfileko onena
Inauterietako lehiaketako epaimahaiak La3 aukeratu du beste behin, talde handiko konpartsen kategoriako talde onena bezala. Taldeak aukeratutako gaia, gay ezkontza bat izan zen, eta antzezlan dibertigarriak egin zituzten ibilbidean zehar. Taldeak 800 e...
Inauterietako lehiaketako epaimahaiak La3 aukeratu du beste behin, talde handiko konpartsen kategoriako talde onena bezala. Taldeak aukeratutako gaia, gay ezkontza bat izan zen, eta antzezlan dibertigarriak egin zituzten ibilbidean zehar. Taldeak 800 euroko lehen saria eskuratu du, eta hamabost pertsona baino gehiagoko kategoriako bigarren postua Pilar Peña Dantza Eskolaren Alicia en el Pais de las Maravillas-ek eskuratu du, eta hirugarrena, Amute Auzolagunaken Invasion Vikinga-k.
Karrozen lehen saria Amute Auzolagunaken bikingoen barkuak eskuratu du, La3-ren Udaletxeak bigarrena, eta Carlos Zapirainen kasinoak hirugarrena. Konpartsa txikiek ere sariak eskuratu dituzte, eta sei eta hamabost taldekideen arteko konpartsen kategorian, Mercedes Alvaroren Alaia eskola izan da irabazlea.
Bi eta bost partaide arteko kategorian, frankismoaren parodiak eta Mari Karmen Aristizabalen tabakoak irabazi dute, eta Jon Puentek bakarreko saria eskuratu du. Santiagoko Deabruak aldiz, Hondarribikoa ez zen talde onena izendatu dute. Gainera, Inauterietako desfileko partaidetza bultzatzeko, Udalak beste 7.800 euro banatuko ditu parte hartzaile guztien artean.
Bestalde, Ederki establezimienduak eskuratu du aurten lehenengo urtez antolatu duten erakuslehioen lehiaketaren lehen saria.
