Errregionaleko futbol taldeek irabazi egin dute
Gol festa izan zen larunbat arratsaldean Plazeta futbol zelaian. Erregional Preferenteko eta Lehen Erregionaleko taldeek jokatu zuten, hurrenez hurren. Arratsaldeko lehen partida Oarsoaldeko derbia izan zen, Allerruren eta Sanpedrotarraren artekoa. Lez...
Gol festa izan zen larunbat arratsaldean Plazeta futbol zelaian. Erregional Preferenteko eta Lehen Erregionaleko taldeek jokatu zuten, hurrenez hurren.
Arratsaldeko lehen partida Oarsoaldeko derbia izan zen, Allerruren eta Sanpedrotarraren artekoa. Lezoarrek 3-2 irabazi zuten. Emaitza horrekin, sailkapeneko berdintasuna apurtu dute: Allerruk orain 32 puntu ditu (zazpigarren dira sailkapenean) eta Sanpedrotarrak 29rekin jarraituko du. Asteburu honetan Lasarte-Orian jokatuko dute, sailkapenean hirugarren postuan dagoen Ostadarren kontra.
Lehen Erregional Mailako taldeak, berriz, lau gol sartu zizkion Gazteak Eibarko taldeari eta hiru jaso zituzten. Emaitza horrekin bederatzigarren postutik seigarrenera egin dute salto. Hala ere, oso urrun dituzte sailkapeneko lehen postuak.
Emakumeen porrota
Allerruko neskek galdu egin zuten Ostadarren kontra, 3-0, Emakumezkoen Kopako partidan. Laugarren postuan daude lezoarrak, hamar punturekin.
