Marasma mugimendua bihar, Oiartzunen
Marasma mugimendua Oiartzuna iritsi da eta hainbat ekitaldi izango dira bihar herrian. 17:37ean: kafe-marasma-tertulia eta ondorioen eztabaida. 19:46ean: ekitaldia eta marasma-argazkia. Ondoren: afari-merienda. 21:12ean: kontzertuak Gaztetxi...
Marasma mugimendua Oiartzuna iritsi da eta hainbat ekitaldi izango dira bihar herrian.
- 17:37ean: kafe-marasma-tertulia eta ondorioen eztabaida.
- 19:46ean: ekitaldia eta marasma-argazkia.
- Ondoren: afari-merienda.
- 21:12ean: kontzertuak Gaztetxian:
- Skandalo publiko.
- ATP.
- Eta gaua bukatzeko marasma-karaokea.
Hona Marasmako kideen deialdia:
Helduen munduan gazteak indibidualistak, pasotak, drogazaleak, alferrak, biolentoak,… omen gara. Baina guk ez dugu horrela denik uste. Zergatik esaten da hori? Egia al da? Zer da benetan gazte izatea? Agian, gazte izate hutsa arazo bat da? Ba al dakite zer den benetan kezkatzen gaituena? Zein da gure problematika?
Galdera hauei guztiei erantzun nahian hilabete pasatxo daramagu Oiartzungo gazteok, gure benetako errealitatea zein den ezagutu nahian. Izan ere, gazteoi buruz egiten diren ikerketetan gazteok ez dugu gure burua identifikatua sentitzen. Beraz, Oiartzungo gazteon errealitatea bertatik bertara jakiteko, gazteongandik gazteongana aritu gara buru belarri. Papera eta boligrafoa eskuan hartu eta 100 bat gazterekin egon gara; bai aurrez aurre elkarrizketetan eta baita inkesta bidez ere.
Elkarrizketekin hazia landatu genuen eta orain egindako lanaren fruitua jasotzeko momentua iritsi da. Horretarako, biharko, Oiartzungo gazteon kezkak azaltzen dituen diagnostikoa kaleratzeko egitaraua antolatu dugu.
