Oporrak bakean programa gizarteratuko dute bihar arratsaldez Zabaltza plazan
Irungo Udalak, Tadanum Sahararen Adiskideen Txingudiko Elkarteak eta Haurralde Fundazioak sentsibilizazio eguna antolatu dute biharko, larunbaterako, Oporrak bakean programa ezagutzera emateko. “Kalera atera nahi dugu programa eta bere helburuak...
Irungo Udalak, Tadanum Sahararen Adiskideen Txingudiko Elkarteak eta Haurralde Fundazioak sentsibilizazio eguna antolatu dute biharko, larunbaterako, Oporrak bakean programa ezagutzera emateko. “Kalera atera nahi dugu programa eta bere helburuak eta irundarrei ezagutzera eman zergatik egiten den eta positiboan zer atera dezaketen hortik” aipatu du Goizane Alvarez Kooperazio ordezkariak. Jardunaldia 17:00etan hasiko da, Zabaltza plazan, eta 20:30ean amaitu.
Euskadiko Frente Polisarioaren ordezkaritzak, Euskal Fondoko Sahararekiko Koordinazio Unitatearekin elkarlanean, abiatutako elkartasun programa da. Irungo Udalak 2000. urtetik parte hartzen du. “Urtero antolatzen diren programa solidarioetan kontsolidatuenetako bat da, eta Udal nahiz herritar asko dago bertan konprometituta” azaldu du Alvarezek.
Programaren helburua da Aljeriako Tindufeko errefuxituen eremuetatik datozen 7 eta 12 urte bitarteko haurrek udako bi hilabete hemengo familiekin igarotzea, haien bizitokiko baldintza gogorretatik urrun.
Biharko ekitaldiak:
- Jaima sahararra te dastaketarekin
- Txalaparta
- Lurraitz akademiako taldearen emanaldia (dantza eta trikitixa)
- Ainhoa dantza akademiako taldearen emanaldia
- Tinduf-eko saharar errefuxiatuen kanpamenduetako argazki erakusketa
- Aurpegiko makilajea txikienentzat
- Oporrak Bakean programari buruzko ikus-entzunezkoa
- Planta Baja taldearen emanaldia
Saharako haur bat etxean hartzeko interesdunek Kooperazio arloko telefonora (943-50 53 68), edo Tadamum elkartekora (666-50 13 50) dei dezakete.
