Alerdien Legea bertan behera uzteko eskatu du LABek
Oarsoaldeko eta Bidasoaldeko LABeko ordezkariek Alderdien Legea bertan behera uzteko eskatu dute , “legea onartu zuten unetik beretik”. Lezoko Saldise plazan egin dute agerraldia LABeko Saldise plazan. Bertan azaldu dutenez, “Alderdie...
Oarsoaldeko eta Bidasoaldeko LABeko ordezkariek Alderdien Legea bertan behera uzteko eskatu dute , “legea onartu zuten unetik beretik”.
Lezoko Saldise plazan egin dute agerraldia LABeko Saldise plazan. Bertan azaldu dutenez, “Alderdien Legea berariaz sortu zuten ideia jakin batzuk defenditzen dituzten herritarren kriminalizazio kolektiboa eragin eta euskal gizartearen adierazpide politiko politiko bat ezabatzeko”. Gaineratu dutenez, “momentu honetan 40.000 euskaldunek ez dute eskubide zibil eta politikorik, ez baitute herritarron ordezkari izateko aurkezteko aukerarik. Lege hau salbuespen-estatu bati dagokio”. Gogorarazi dute Oarsoaldeko eta Bidasoaldeko “herritarrei dagokien ordezkaririk” ez dagoela Batzar Nagusietan, [ezker abertzalea legez kanpo utzi zutelako].
Ildo horretan, adierazi dute Espainiako Estatua “izaera antidemokratikoa” agerian uzten duela ilegalizazioak, “Espainiako Estatua herritarron erabakiari beldurra” baitio. Ilegalizazioaren erabakiak “helburu zehatza” duela esan dute LABeko ordezkariek: “Gatazkaren konponbidea eta Euskal Herriaren erabakitze eskubidea helmuga izango duen prozesua, benetako prozesua oztopatzea”.
Horren aurrean, eskualdeko langileriari legalizazioaren aldeko mobilizazioetan parte hartzeko deia luzatu dute.
Hainbat enpresetako ordezkariak
Oarsoaldeko eta Bidasoaldeko hanbat enpresetako ordezkariak izan dira agerraldian, besteak bete: Irungo, Errenteriako, Pasaiako, Oiartzungo eta Lezoko udaletako ordezkariak, Niessenekoak, CAFekoak, Pasaiako Portukoak, Zardoya-Otisekoak, Salvakoak edo Carrefourrekoak.
