Korrika: eskerrak parte hartzaileei eta Donostiara joateko deia
17. Korrikak Oiartzunen egin duen ibilbidea arrakastatsua izaten parte hartu duten guztiak zoriondu eta eskertu nahi ditu Intxixu AEK euskaltegiak. “Aurtengoan ere, Korrika Batzordean egindako lanak fruitu oparoa eman du, astean zehar, ordu txiki...
17. Korrikak Oiartzunen egin duen ibilbidea arrakastatsua izaten parte hartu duten guztiak zoriondu eta eskertu nahi ditu Intxixu AEK euskaltegiak.
“Aurtengoan ere, Korrika Batzordean egindako lanak fruitu oparoa eman du, astean zehar, ordu txikitan eta bi aldiz pasa arren, jendetza bildu baitzen Korrikak Oiartzunen egin zuen ibilbide guztin zehar. Oiartzuar guztiak zoriontzeaz gain, Korrika Batzordeko partaideek egindako lana ere nabarmendu nahi dugu”.
Eskerrak honakoei eman dizkiete Intxixu AEK Euskaltegitik: Abaraxka ludoteka, EHE, Internazionalistak, Gazte Forua, Euskeran itotiyak, Ttur-ttur, Bizardia eta Girizia elkarteak, Oiartzun Irratia, Oiartzungo Udala, Presoen Lagunak, Kataxulo Gaztetxia, Gazte Independentistak, Kuadrillategi, Ibargain Musika Eskola, Herri Musikaren Txokoa, Elizalde Herri Eskola, Elizalde Institutua, Haurtzaro Ikastola, Komite Internazionalistak, Miren Irigoien eta bereziki, Idoia Rekalde eta Haurtzaro Ikastolako Eskuttun Euskara Taldea. “Idoiari, aurtengoan ere, KORRIKAren aldeko lan izugarria egin duelako eta Eskuttunekoei berriz, herriko gazteak euskararen aldeko lana egiteko gogoz eta indarrez daudela erakutsi digutelako”, nabarmendu dute AEKtik.
Horrez gain, 17. Korrikaren Donostiako amaiera festara deitu dituzte herritarrak, “aukera paregabea delako festa zoragarri eta hunkigarri honetan parte hartzeko”.