Lan hitzarmena sinatu dute Ekialdebusen
Ekialdebuseko langileen ordezkariek (UGT, ELA eta LABekoek) lan hitzarmena sinatu dute datozen bi urteetarako. Horrela, astelehenerako deitu zuten geldialdia bertan behera utzi dutela jakinarazi du UGTk. Sindikatu horrek adierazi duenez, lan hitzarmen ...
Ekialdebuseko langileen ordezkariek (UGT, ELA eta LABekoek) lan hitzarmena sinatu dute datozen bi urteetarako. Horrela, astelehenerako deitu zuten geldialdia bertan behera utzi dutela jakinarazi du UGTk.
Sindikatu horrek adierazi duenez, lan hitzarmen “ona” da, “langile guztien egoera bi urtetan berdinduko duelako”. Langileek gehiengoz onartu dute asanbladan.
KPI igotzea bermatuko die langileei hitzarmenak, Ekialdebus osatu duten lau enpresetako langileen egoera batzeaz gain. Horrela, langile guztiek egiten duten lanaren arabera berdin kobratuko dute, aurreko enpresetako hitzarmenak kontuan hartu gabe. UGTk esan duenez, hitzarmen onena zuten langileei ez diote euren eroste ahalmena kaltetuko.