Gipuzkoa osoko gazteek parte hartu ahal izango dute III. Argazkiez blai! lehian
III. Argazkiez blai! lehiaketa antolatu du Udaleko Gazteria eta Kirol Sailak. Aurten, Gipuzkoa osoko 29 urtera arteko gazteei zuzenduta dago. Hilaren 31ra izango da parte hartzeko aukera, Internet bidez www.gazteoiartzun.net/argazkiak atarian, eta 2.600 euro banatuko dituzte saritan. Aurten ere hiru kategoriatan parte hartu dezakete argazkilariek: haurrak (12 urtera arte), nerabeak (13 eta 17 urte artekoak) eta gazteak (18tik 29 urte artekoak). Sail bakoitzean bost sari banatuko dituzte: hiru onenak, Interneteko saria eta Oiartzungo onenari emango diotena. Sari banaketa, uztailean Parte hartzaile bakoitzak gehienez hiru argazki aurkeztu ditzake lehiaketara. Argazki guztiak www.gazteoiartzun.net/argazkiak webgunean zintzilikatu beharko dituzte, 500 kb-ko gutxieneko pisuarekin eta gehienez, 3 Mb-koarekin eta JPG formatuan. Oinarrizko ukituak onartuko dituzte, baina fotomuntairik ez. Gaia librea da. Argazki lehiaketan parte hartzeko, ezinbestekoa izango da norberarenak ez diren lau argazki baloratzea eta biri, behintzat, iruzkina idaztea. Sariak uztailean banatuko dituzte, argazkilaritzan adituak diren pertsonek osatutako epaimahaiaren erabakia oinarri. Ondoren, Manuel Lekuona Bibliotekan erakusketa jarriko dute kategoria bakoitzeko argazki onenekin. Argazki sarituak Oiartzungo Udalaren jabetzakoak izango dira. Informazio gehiago Gazte Informazio Bulegoan —Mendiburu kaleko 5ean, 943 49 11 05 telefono zenbakian edo gazteinfo[abildua]oiartzun.org helbidean, www.facebook.com/OiartzunGazteriaKirola orrian— eskura daiteke, edo www.gazteoiartzun.net gunean. Sariak: Gazteak 1. saria. 600 euro. 2. saria. 300 euro. 3. saria. [...]
III. Argazkiez blai! lehiaketa antolatu du Udaleko Gazteria eta Kirol Sailak. Aurten, Gipuzkoa osoko 29 urtera arteko gazteei zuzenduta dago. Hilaren 31ra izango da parte hartzeko aukera, Internet bidez www.gazteoiartzun.net/argazkiak atarian, eta 2.600 euro banatuko dituzte saritan.
Aurten ere hiru kategoriatan parte hartu dezakete argazkilariek: haurrak (12 urtera arte), nerabeak (13 eta 17 urte artekoak) eta gazteak (18tik 29 urte artekoak). Sail bakoitzean bost sari banatuko dituzte: hiru onenak, Interneteko saria eta Oiartzungo onenari emango diotena.
Sari banaketa, uztailean
Parte hartzaile bakoitzak gehienez hiru argazki aurkeztu ditzake lehiaketara. Argazki guztiak www.gazteoiartzun.net/argazkiak webgunean zintzilikatu beharko dituzte, 500 kb-ko gutxieneko pisuarekin eta gehienez, 3 Mb-koarekin eta JPG formatuan. Oinarrizko ukituak onartuko dituzte, baina fotomuntairik ez. Gaia librea da.
Argazki lehiaketan parte hartzeko, ezinbestekoa izango da norberarenak ez diren lau argazki baloratzea eta biri, behintzat, iruzkina idaztea.
Sariak uztailean banatuko dituzte, argazkilaritzan adituak diren pertsonek osatutako epaimahaiaren erabakia oinarri. Ondoren, Manuel Lekuona Bibliotekan erakusketa jarriko dute kategoria bakoitzeko argazki onenekin. Argazki sarituak Oiartzungo Udalaren jabetzakoak izango dira.
Informazio gehiago Gazte Informazio Bulegoan —Mendiburu kaleko 5ean, 943 49 11 05 telefono zenbakian edo gazteinfo[abildua]oiartzun.org helbidean, www.facebook.com/OiartzunGazteriaKirola orrian— eskura daiteke, edo www.gazteoiartzun.net gunean.
Sariak:
Gazteak
- 1. saria. 600 euro.
- 2. saria. 300 euro.
- 3. saria. 200 euro.
- Interneteko saria. 150 euro.
- Oiartzungo onena. 150 euro.
Nerabeak
- 1. saria. 300 euro.
- 2. saria. 150 euro.
- 3. saria. 80 euro.
- Interneteko saria. 100 euro.
- Oiartzungo onena. 100 euro.
Haurrak
- 1. saria. 200 euro materialean.
- 2. saria. 100 euro materialean.
- 3. saria. 50 euro materialean.
- Interneteko saria. 80 euro materialean.
- Oiartzungo onena. 80 euro materialean.
Iazko irabazlea. Egilea: Mikel Mitxelena 'Txami'.
