Gipuzkoaren jatorriaren DVDa aurkeztuko du Nabarraldek bihar liburutegian
Nabarraldek Gipuzkoaren jatorria DVDa aurkeztuko du bihar, Manuel Lekuona Bibliotekan. 19:30ean hasiko da aurkezpena. Orain arte, Gipuzkoa, Araba eta Bizkaia Gaztelara euren borondatez batu zirela dio historiak. Nabarraldek ekoitzi duen DVDan, aldiz, d...
Nabarraldek Gipuzkoaren jatorria DVDa aurkeztuko du bihar, Manuel Lekuona Bibliotekan. 19:30ean hasiko da aurkezpena.
Orain arte, Gipuzkoa, Araba eta Bizkaia Gaztelara euren borondatez batu zirela dio historiak. Nabarraldek ekoitzi duen DVDan, aldiz, datu eta dokumentu historikoak aintzat hartuz, 1.200 urtean Gaztelak Nafarroako Erresumaren mendebaldea armaz konkistatu zuela defendatzen dute.
DVDa Ruben Marcillak zuzendu du, beraren eta Angel Rekalderen gidoiarekin. Dokumentazio lana egin duten historialariak Idoia Arrieta, Iñaki Sagredo, Jose Luis Orella Unzue eta Beñi Agirre izan dira. Oiartzungo Udalak ekoizpenean lagundu du.
Gurutzeko gaztelua
Aurkezpenaren ondoren, Gurutze auzoko Arkaleko haitzetan dagoen Beloagako gazteluari buruzko hitzaldia eskainiko dute. Besteak beste, gaztelu hau bistaratzeko egin diren lanen berri emango dute. Beloagako gaztelua Nafarroako erregeen jabetzakoa zen Erdi Ardoan, harik eta 1.200 urtean Gaztelako Alfontso VIII.ak eskuratu zuen arte. Garai hartakoa da gazteluari buruzko idatzizko lehen aipamena.
