Plataforma logistikoari buruzko mahai-inguruaren jarraipena, bihar
Nola eragingo digu Plataforma Logistikoak? galdera oinarri hartuta, apirilaren 14an eta 15ean jardunaldiak izan ziren herrian, Oiartzunarriskuan taldeak antolatuta. Lehen saioan Alberto Lopez arkitektoak hitzaldia eman zuen, eta bigarrenean, udaletako ordezkariekin mahai-ingurua izan zen. Mahai-inguru horrekin jarraituko dute bihar. Hala, Pavel Viñasek eta Haritz Salaberriak, Oiartzun eta Lezoko udalen izenean, Lezo-Gaintxurizketan egin nahi duten Plataforma Logistikoari buruzko mahai-inguruan parte hartuko dute, 19:00etan, udaletxean. Ondoren eztabaida irekia izango da. Biak Oiartzunarriskuan taldeak antolatu ditu. Helburua, azpiegiturak udalerriotan izango duen eragina aztertzea da, bai arlo ekonomikoari dagokionez, eta baita lurraldeari dagokionez ere. Orain, gainera, Lezori dagokionean, Gipuzkoako Foru Aldundia hasi berri da hainbat enpresa (50 inguru) eta baserriren balorazioa egiten, lur horiek desjabetu eta plataformaren baitan kokatzen den geltoki intermodala eraiki ahal izateko. Oiartzunarriskuan taldeak herritar guztiei, eta enpresei eta gainerako erakundeei mahai-inguruan eta ondorengo eztabaida saioan parte hartzeko gonbita luzatu die: “Kontuan izan behar da azpiegitura honek eta Lurralde Zatikako Planekoek bi udalerrien eta Oarsoaldea osoaren etorkizunean izango duten eragina”.
Nola eragingo digu Plataforma Logistikoak? galdera oinarri hartuta, apirilaren 14an eta 15ean jardunaldiak izan ziren herrian, Oiartzunarriskuan taldeak antolatuta. Lehen saioan Alberto Lopez arkitektoak hitzaldia eman zuen, eta bigarrenean, udaletako ordezkariekin mahai-ingurua izan zen. Mahai-inguru horrekin jarraituko dute bihar.
Alberto Lopez arkitektoak hartu zuen parte lehenengo eguneko saioan
Hala, Pavel Viñasek eta Haritz Salaberriak, Oiartzun eta Lezoko udalen izenean, Lezo-Gaintxurizketan egin nahi duten Plataforma Logistikoari buruzko mahai-inguruan parte hartuko dute, 19:00etan, udaletxean. Ondoren eztabaida irekia izango da.
Biak Oiartzunarriskuan taldeak antolatu ditu. Helburua, azpiegiturak udalerriotan izango duen eragina aztertzea da, bai arlo ekonomikoari dagokionez, eta baita lurraldeari dagokionez ere.
Orain, gainera, Lezori dagokionean, Gipuzkoako Foru Aldundia hasi berri da hainbat enpresa (50 inguru) eta baserriren balorazioa egiten, lur horiek desjabetu eta plataformaren baitan kokatzen den geltoki intermodala eraiki ahal izateko.
Oiartzunarriskuan taldeak herritar guztiei, eta enpresei eta gainerako erakundeei mahai-inguruan eta ondorengo eztabaida saioan parte hartzeko gonbita luzatu die: “Kontuan izan behar da azpiegitura honek eta Lurralde Zatikako Planekoek bi udalerrien eta Oarsoaldea osoaren etorkizunean izango duten eragina”.
