PSE-EEren herri programa: “Lehena, Oiartzun”
Honela azaldu du Rafaela Romero alkategaiak, PSE-EEren programa: “Udaletik, sozialistok, herritarren egunerokotasunaren benetako beharrei ekiten diegu, eta ziklo ekonomiko berrian, gure udalerriak lehiakor egitea da gure helburua. Horretarako, gastuak proiektu estrategikoetarako lehenetsiko dugu, eta helburu sozialeko produkzio-ekonomia batean inbertituko dugu, oiartzuarren bizi kalitatea hobetuz”. Sozialisten herri programaren lan ildoak honakoak dira: Ekonomia eta enplegua. Enplegua sortzearen alde egingo dugu apustu, Oiartzungo enpresa sarea zabaltzen laguntzearen bidez. Industrialdeak sustatuko ditugu, ekintzaileei erraztasunak eskaintzearen bidez. Hirigintza. Oiartzungo auzoak modernizatzea eta berriz urbanizatzea proposatuko dugu. Bidegorrien eta oinezkoentzako eremuen sarea osatzea eta hobetzea sustatuko dugu. Gizarte zerbitzuak. Premia handiena duten herritarren beharretara egokitutako programak garatuko ditugu. Etxebizitza. Babes ofizialeko etxebizitzak eraikitzea ahalbidetuko duten hitzarmenak sustatuko ditugu (Altzibar, Arragua). Atez atekoa. Atez ateko sistema kenduko dugu, eta bosgarren edukiontziaren aldeko apustua egingo, zaborra biltzeko sistema eroso, eraginkor eta iraunkorra delako. Garraioa. Oiartzungo auzoen arteko lotura hobea sustatuko dugu, Xorrola zerbitzuaren ordutegia zabaltzearen bidez. Oiartzun ospitaleekin lotzeko zuzeneko autobus linea sortzeko aukera aztertuko dugu. Autobideko Oiartzun-Donostia linea berriz jartzea proposatuko dugu. Herritarren segurtasuna. Udaltzaingoaren zerbitzu osoa berrantolatuko dugu, eta arreta berezia jarriko dugu auzo jakin batzuetan larunbat gauetan. Euskara. Euskara topaketarako tresna eta Oiartzungo herritarren arteko kohesiorako elementu gisa defendatuko dugu. Kultura. Herritarren partaidetza sendotuko [...]
Honela azaldu du Rafaela Romero alkategaiak, PSE-EEren programa: “Udaletik, sozialistok, herritarren egunerokotasunaren benetako beharrei ekiten diegu, eta ziklo ekonomiko berrian, gure udalerriak lehiakor egitea da gure helburua. Horretarako, gastuak proiektu estrategikoetarako lehenetsiko dugu, eta helburu sozialeko produkzio-ekonomia batean inbertituko dugu, oiartzuarren bizi kalitatea hobetuz”.
Sozialisten herri programaren lan ildoak honakoak dira:
- Ekonomia eta enplegua. Enplegua sortzearen alde egingo dugu apustu, Oiartzungo enpresa sarea zabaltzen laguntzearen bidez. Industrialdeak sustatuko ditugu, ekintzaileei erraztasunak eskaintzearen bidez.
- Hirigintza. Oiartzungo auzoak modernizatzea eta berriz urbanizatzea proposatuko dugu. Bidegorrien eta oinezkoentzako eremuen sarea osatzea eta hobetzea sustatuko dugu.
- Gizarte zerbitzuak. Premia handiena duten herritarren beharretara egokitutako programak garatuko ditugu.
- Etxebizitza. Babes ofizialeko etxebizitzak eraikitzea ahalbidetuko duten hitzarmenak sustatuko ditugu (Altzibar, Arragua).
- Atez atekoa. Atez ateko sistema kenduko dugu, eta bosgarren edukiontziaren aldeko apustua egingo, zaborra biltzeko sistema eroso, eraginkor eta iraunkorra delako.
- Garraioa. Oiartzungo auzoen arteko lotura hobea sustatuko dugu, Xorrola zerbitzuaren ordutegia zabaltzearen bidez. Oiartzun ospitaleekin lotzeko zuzeneko autobus linea sortzeko aukera aztertuko dugu. Autobideko Oiartzun-Donostia linea berriz jartzea proposatuko dugu.
- Herritarren segurtasuna. Udaltzaingoaren zerbitzu osoa berrantolatuko dugu, eta arreta berezia jarriko dugu auzo jakin batzuetan larunbat gauetan.
- Euskara. Euskara topaketarako tresna eta Oiartzungo herritarren arteko kohesiorako elementu gisa defendatuko dugu.
- Kultura. Herritarren partaidetza sendotuko dugu, kultur etxean jardueren programa zabala garatzeko.
- Herritarren partaidetza. Herritarren partaidetza eta administrazioaren gardentasuna, udal kudeaketaren ezaugarri bihurtuko ditugu.
- Berdintasuna eta eskubideak. Oiartzun, indarkeria deslegitimatzeko, bakea eraikitzeko eta guztiontzako eskubide berdintasuna lortzeko zereginetan aktibo izatea nahi dugu. Bakean eta giza eskubideen defentsan oinarritutako kultura defendatuko dugu, horiek baitira bizikidetzaren zutabe. Horretarako, bizikidetza eta eskubideen inguruko udal plana prestatuko dugu, oiartzuar guztien parte hartzearekin.
