Gazteentzako zentro berria nahi du EAJk
Haurtzaro eta gazteria arloetako aurreikusita dituen proiektuak azaldu ditu EAJ alderdiak. “Gizartea aldatzen ari da, familiarteko eta gizarteko loturak aldatzen ari dira, ahultzen ari dira. Aukerak biderkatu egiten dira baina baita gizartetik at...
Haurtzaro eta gazteria arloetako aurreikusita dituen proiektuak azaldu ditu EAJ alderdiak. “Gizartea aldatzen ari da, familiarteko eta gizarteko loturak aldatzen ari dira, ahultzen ari dira. Aukerak biderkatu egiten dira baina baita gizartetik at geratzekoak ere. Administrazioetatik hurbiltasun espazioak sortu behar ditugu mutil, neska nerabe eta gazteentzat. Hori dena, aurrehartze, dinamizazio, ikasketa, eskubide berdintasuna, eta azken finean, gazteriaren sustapena”, azaldu zuen atzo goizean Aitor Kerejetak, Hondarribiko EAJko alkategaiak.
“Zentro berri bat eduki nahi dugu gazteentzat, bizitzako etapa garrantzitsuenak bertan garatzeko asmotan, pertsonalitatea garatzen den gunea, eta beraiek protagonistak diren tokia. Era honetan, gazteen arteko erlazioa sendotuko dugu, baita gazteak eta Hiriaren artekoa ere”.
Ludoteka, jokatzeko tokiak, bilerak egiteko tokiak, eta gazteei zuzendutako, eta beraiek antolatutako aktibitateak sustatzea dute helburu.
