Aurrekontuei egindako erreklamazioak eztabaidatuko dituzte ezohiko plenoan
Bihar goizeko zortzietan ezohiko osoko bilkura egingo du Errenteriako Udalbatzak. Puntu bakarra izango dute eztabaidatzeko: 2011ko aurrekontuei eginiko erreklamazioen ebazpena. Hori behin betiko onetsi edo atzera bota bozkatu beharko dute zinegotziek. ...
Bihar goizeko zortzietan ezohiko osoko bilkura egingo du Errenteriako Udalbatzak. Puntu bakarra izango dute eztabaidatzeko: 2011ko aurrekontuei eginiko erreklamazioen ebazpena. Hori behin betiko onetsi edo atzera bota bozkatu beharko dute zinegotziek.
Hain zuzen, ezker abertzaleak aste honetan iragarri du aurrekontuei erreklamazioa aurkeztu dizkiela. Horretarako, bi arrazoi nagusi eman ditu: batetik, hainbat legek eskatzen dutena ez dutela betetzen, eta bestetik, zenbait gastutarako beharrezkoa den finantzazioa bermatzen ez dutelako. Beste arrazoi batzuk izan dira, Errenteria Garatuz enpresa publikoak legez aurkeztu beharreko dokumentazio guztia ez aurkeztu izana eta etxebizitzak eraikitzeko dirurik gorde ez izana.
Pasa den apirilaren 15eko ezohiko plenoan onartu zituzten aurrekontuak PSE-EE, EAJ, Hamaikabat (Gobernu Taldea) eta PPren babesarekin. Ezker abertzaleak eta Ezker Batuak kontra bozkatu zuten. EBk ere iragarri zuen alegazioak aurkeztuko zituela.
