Juana Bengoetxea: “Krisi garaietan, erantzuten dakien buruzagitza behar da”
Juana Bengoetxea (Bilbo, 1954) lehen aldiz aurkeztu da Irungo alkategai, PP alderditik. Borja Senperren lekukoa hartu du. Baina ez da hasiberria politikan. Irungo zinegotzia da 1999. urtetik. HITZA-ri emandako elkarrizketan, azken urteetako balorazioa egiteaz gain, alderdian pentsamendu aldaketa izan dutela azaldu du: proposamen buruzagitzatik, erantzuten dakien buruzagitzara. Zein balorazio egiten duzue azkeneko lau urteez? Azkeneko lau urteetan sozialistek (PSE-EEk) bakarrik gobernatu dute, gehiengorik gabe. Uko egin diote beste taldeekin itunak egiteari, eta ondorioz, gobernu ahula izan da. Beharrezkoa duen egonkortasunik gabe utzi du hiria jarrera horrek. Nagusiki, aurreko legegintzaldian martxan jarritako proiektuak bukatzera bideratutako lau urte izan dira. Eta aurreko proiektu horiek alderdi popularra (PP) gobernuan zegoenean jarri genituen martxan. Zein dira zuen lan ildoak datozen lau urteetarako? Hiritarrekin dugun lehenengo konpromisoa jarrera politiko berri bat izatea da. Alderdi popularrean ulertzen dugu badaudela momentuak, oparoaldi ekonomiko momentuak, beharrezkoa izaten dela proposamen buruzagitza bat izatea. Gu, egon gara gobernuan, eta proposamenak egiten eta proposamen horiek martxan jartzen liderrak izan gara. Baina, krisi garaietan, bestelako buruzagitza bat behar dela uste dugu: krisi garaietan erantzuten dakien buruzagitza behar da. Hots, uste dugu gai izan behar dugula hiritarren oinarrizko edota presazko beharrei ahal bezain azkar erantzuteko. Ezin dugu Errege Magoen antzekoak izan, eta haurrek [...]
Juana Bengoetxea (Bilbo, 1954) lehen aldiz aurkeztu da Irungo alkategai, PP alderditik. Borja Senperren lekukoa hartu du. Baina ez da hasiberria politikan. Irungo zinegotzia da 1999. urtetik.
HITZA-ri emandako elkarrizketan, azken urteetako balorazioa egiteaz gain, alderdian pentsamendu aldaketa izan dutela azaldu du: proposamen buruzagitzatik, erantzuten dakien buruzagitzara.
Zein balorazio egiten duzue azkeneko lau urteez?
Azkeneko lau urteetan sozialistek (PSE-EEk) bakarrik gobernatu dute, gehiengorik gabe. Uko egin diote beste taldeekin itunak egiteari, eta ondorioz, gobernu ahula izan da. Beharrezkoa duen egonkortasunik gabe utzi du hiria jarrera horrek. Nagusiki, aurreko legegintzaldian martxan jarritako proiektuak bukatzera bideratutako lau urte izan dira. Eta aurreko proiektu horiek alderdi popularra (PP) gobernuan zegoenean jarri genituen martxan.
Zein dira zuen lan ildoak datozen lau urteetarako?
Hiritarrekin dugun lehenengo konpromisoa jarrera politiko berri bat izatea da. Alderdi popularrean ulertzen dugu badaudela momentuak, oparoaldi ekonomiko momentuak, beharrezkoa izaten dela proposamen buruzagitza bat izatea. Gu, egon gara gobernuan, eta proposamenak egiten eta proposamen horiek martxan jartzen liderrak izan gara. Baina, krisi garaietan, bestelako buruzagitza bat behar dela uste dugu: krisi garaietan erantzuten dakien buruzagitza behar da. Hots, uste dugu gai izan behar dugula hiritarren oinarrizko edota presazko beharrei ahal bezain azkar erantzuteko. Ezin dugu Errege Magoen antzekoak izan, eta haurrek idatzitako gutunei erantzun, mila proiektu egingo ditugula hitz emanez. Izan ere, egungo egoeran, edo ez dago dirurik, edo urteetan luzatuko lirateke proiektu horiek. Gaur egun, momentu honetan, erantzunak behar dira.
Jarrera berri hori izatez gain, gure programa beste lau ildotan garatu dugu eta garatuko dugu. Hasteko, ekonomiari lehentasuna eman behar diogu, eta gure sektore indartsuak sostengatu. Horrez gain, ekonomia dibertsifikatu ere egin behar dugu, eta lehen sektorearen eta naturarekin ditugun harremanen aldeko apustu ausarta egin.
Irungo asoziazionismoa ere sostengatu behar dugu. Izan ere, ulertzen dugu gizarte zibila dela Irungo bizitzaren protagonista.
Ahalegin guztia egin behar dugu haurrekin eta gazteekin ere, gure etorkizuna direlako.
Eta hiriko bizitza gozatu behar dugu, haserrea sortzen duten faktoreak saihestuz: aparkalekuetatik hasi, argi faltarekin jarraitu, espaloien egoerarekin segi, eta hiritarren segurtasunaren gaiarekin bukatu.
Aurrekanpaina Bilduren gaiak markatu du, gehienbat. Nola bizi izan duzue zuek?
Egia esan, gure ideia, indar eta pentsamendu guztiak irundarren beharretara begira jarri ditugu. Hori dela eta, ez dugu tarterik izan Bilduri arreta emateko.
Ausartuko zinatekete iragartzen zenbat zinegotzi lortuko dituen zuen alderdiak?
Ez dugu inolako iragarpenik egin nahi, harroputza iruditzen zaigulako hiritarren borondatea lehenago ezagutu nahia. 48.000 aukera ditugu emaitza onak lortzeko, Irunen 48.000 hautesle edo boto emaile baitaude. Gure indar guztiak horiei guztiei gure programa aurkezten eta azaltzen jarri ditugu.
