Behin betiko onartu ditu aurrekontuak Udalbatzak
Hauteskundeetarako bi egun gelditzen ez direnean eta ezker abertzaleak eta Ezker Batuak (EB) egindako erreklamazioak eztabaidatu ondoren, Udalbatzak behin betiko onartu ditu gaur 2011ko aurrekontuak. Behin-behineko onarpenetik ez dira aldatu bozkak: Udal Gobernu Taldeak (PSE-EE, EAJ eta H1) eta PPk argi berdea eman diete, eta ezker abertzaleak eta EBk kontrako botoa eman dute. Hiru izan dira 2011ko aurrekontuen erreklamazioak aurkeztu duten aldeak: ezker abertzalea, EB eta Enpresa Batzordea. Azken alde horri ez die hitza eman Juan Carlos Merino alkateak, baina gainontzeko biek euren arrazoiak eman ahal izan dituzte. Jose Manuel Ferradas EBko bozeramailea hitza lehenengo hartu duena. Aurrekontua legegintzaldiaren isla izan dela adierazi du, eta ez diola etorkizunari begiratzen. Horrez gain, alkateari teknikariei kasu ez egitea leporatu dio, eta batzordeetan teknikariari parte hartzen ez uztea kritikatu du. Auzitegiek Udalari ezar diezaioketen 3 milioi euroak gogorarazi ditu, eta aurrekontuek ez dituztela kontuan hartzen: “Hori da alkateak uzten duen azken lau urteetako ondarea”. Ildo beretik jo du Karlos Murua ezker abertzaleko bozeramaileak ere. Hala, teknikariari parte hartzea ukatzea aipatu du. Alkatea egin du horren erantzule, eta jarrera horrek “gabezia demokratikoa” agerian uzten duela gaineratu du. EAJ eta H1 ere egin ditu erantzule babesa emategatik. Erreklamazioa aurkezteko arrazoien artean aipatu ditu auzitegiek Udalari [...]
Hauteskundeetarako bi egun gelditzen ez direnean eta ezker abertzaleak eta Ezker Batuak (EB) egindako erreklamazioak eztabaidatu ondoren, Udalbatzak behin betiko onartu ditu gaur 2011ko aurrekontuak. Behin-behineko onarpenetik ez dira aldatu bozkak: Udal Gobernu Taldeak (PSE-EE, EAJ eta H1) eta PPk argi berdea eman diete, eta ezker abertzaleak eta EBk kontrako botoa eman dute.
Hiru izan dira 2011ko aurrekontuen erreklamazioak aurkeztu duten aldeak: ezker abertzalea, EB eta Enpresa Batzordea. Azken alde horri ez die hitza eman Juan Carlos Merino alkateak, baina gainontzeko biek euren arrazoiak eman ahal izan dituzte.
Jose Manuel Ferradas EBko bozeramailea hitza lehenengo hartu duena. Aurrekontua legegintzaldiaren isla izan dela adierazi du, eta ez diola etorkizunari begiratzen. Horrez gain, alkateari teknikariei kasu ez egitea leporatu dio, eta batzordeetan teknikariari parte hartzen ez uztea kritikatu du. Auzitegiek Udalari ezar diezaioketen 3 milioi euroak gogorarazi ditu, eta aurrekontuek ez dituztela kontuan hartzen: “Hori da alkateak uzten duen azken lau urteetako ondarea”.
Ildo beretik jo du Karlos Murua ezker abertzaleko bozeramaileak ere. Hala, teknikariari parte hartzea ukatzea aipatu du. Alkatea egin du horren erantzule, eta jarrera horrek “gabezia demokratikoa” agerian uzten duela gaineratu du. EAJ eta H1 ere egin ditu erantzule babesa emategatik. Erreklamazioa aurkezteko arrazoien artean aipatu ditu auzitegiek Udalari ezar diezaioketen isuna aurrekontuetan kontuan ez hartzea, Errenteria Garatuzek legez aurkeztu beharreko dokumentazioa ez aurkeztea eta aurrekontuak orekatuak ez izatea.
Merinok gogorarazi du teknikariak ez duela zertan bilkura horietan egon behar, eztabaida politikoa egiten delako bertan, eta hori ez delako bere eskumena. Horrez gain, guztia nahastea eta “katastrofismora” jotzea egotzi die bi taldeei: “Ez gaude horren gaizki, 2010a superabitarekin itxi dugu, eta mailegua ez dugu erabili behar izan”. Informazio faltari lotuta, talde bakoitzaren lana dela adierazi du gai zerrendako puntuen berri jasotzea.
Aurrekontuen harira, EAJk jakinarazi du aurrekontuak “orekatuak eta udal zerbitzuen funtzionamendua bermatzen dutenak” izan direla. EAJren arabera, aurreko urteetan Udal Gobernu Taldeak emandako kudeaketaren ondorioz, Udala aurrekontuen defizit egoeran zegoen, eta horrenbestez, EAJtik azken legegintzaldian gastuak kontrolatzearen alde egin dutela adierazi dute: “Gastu soziala lehenetsiz ezinbestekoak ez ziren inbertsioen aurrean”. Hala, “emaitza izan da superabit egoera batera buelta, eta zorpetzea murriztea”.
