Bost kontzertu antolatu ditu Ibargainek, ikasturte bukaerarako
Urtero legez, Ibargain Musika Eskolak ikasturte bukaerako kontzertuak antolatu ditu. Zehazki bost emanaldi antolatu ditu, bi biharko, bi etzirako eta azkena etzidamurako (larunbaterako) —ikasturte bukaerako jaialdia egingo dute kiroldegian—. Bihar, udaletxeko areto nagusian izango dira emanaldiak. 15:30ean, gaztetxoen lehenengo kontzertuaren txanda izango da. 7-12 urteko ikasleek emango dute: tronpeta, klarinetea, zeharkako flauta eta flautina, harpa, gitarra, biolina, biolontxeloa, akordeoia, pianoa eta perkusioa… guztira 28 partaide. Bukaeran denen artean Una Planeta eta Napoleon kantak abestuko dituzte. Emanaldia Elizaldeko eta Haurtzaroko 6-8 urteko haurrentzako prestatu dute. 19:30ean, bakarlari, bikote eta kamara taldeen txanda izango da. Guztira eskolako 40 kidek hartuko dute parte emanaldi irekian. Etziko saioak ere udaletxeko areto nagusian izango dira. 15:30ean, gaztetxoek bigarren kontzertua emango dute. Gaurko emanaldi bera izango da, baina Elizaldeko eta Haurtzaroko 4-5 urteko haurrei zuzenduko diete. 19:30ean, bakarlarien, bikoteen eta kamara taldeen txanda izango da berriro. Eskolako 32 kidek eskainiko dute emanaldia. Azkeneko bi kontzertu horietako partaideak 12 urtetik gorakoak izango dira. Guridi, Chopin, Grieg, Bach, Teleman, Albeniz, Joplin, Beatles eta abarren musika lanak eskainiko dituzte. Kontzertu jaialdia Etzidamu (larunbatean), berriz, ikasturte bukaerako jaialdia egingo du Ibargain Musika Eskolak Elorsoro kiroldegian, 19:00etan. Ibargain Musika Eskolako maila guztietako instrumentu eta koru taldeek emango dituzte kontzertuak, eta Elizalde [...]
Urtero legez, Ibargain Musika Eskolak ikasturte bukaerako kontzertuak antolatu ditu. Zehazki bost emanaldi antolatu ditu, bi biharko, bi etzirako eta azkena etzidamurako (larunbaterako) —ikasturte bukaerako jaialdia egingo dute kiroldegian—.
Bihar, udaletxeko areto nagusian izango dira emanaldiak. 15:30ean, gaztetxoen lehenengo kontzertuaren txanda izango da. 7-12 urteko ikasleek emango dute: tronpeta, klarinetea, zeharkako flauta eta flautina, harpa, gitarra, biolina, biolontxeloa, akordeoia, pianoa eta perkusioa… guztira 28 partaide. Bukaeran denen artean Una Planeta eta Napoleon kantak abestuko dituzte. Emanaldia Elizaldeko eta Haurtzaroko 6-8 urteko haurrentzako prestatu dute.
19:30ean, bakarlari, bikote eta kamara taldeen txanda izango da. Guztira eskolako 40 kidek hartuko dute parte emanaldi irekian.
Etziko saioak ere udaletxeko areto nagusian izango dira. 15:30ean, gaztetxoek bigarren kontzertua emango dute. Gaurko emanaldi bera izango da, baina Elizaldeko eta Haurtzaroko 4-5 urteko haurrei zuzenduko diete.
19:30ean, bakarlarien, bikoteen eta kamara taldeen txanda izango da berriro. Eskolako 32 kidek eskainiko dute emanaldia.
Azkeneko bi kontzertu horietako partaideak 12 urtetik gorakoak izango dira. Guridi, Chopin, Grieg, Bach, Teleman, Albeniz, Joplin, Beatles eta abarren musika lanak eskainiko dituzte.
Kontzertu jaialdia
Etzidamu (larunbatean), berriz, ikasturte bukaerako jaialdia egingo du Ibargain Musika Eskolak Elorsoro kiroldegian, 19:00etan. Ibargain Musika Eskolako maila guztietako instrumentu eta koru taldeek emango dituzte kontzertuak, eta Elizalde Herri Eskolako eta Haurtzaro Ikastolako 6-9 urte bitarteko ikasleek. Bukaeran, ikusleen eta musikarien artean, Xabier Leteren Xalbadorren Heriotzean kantatuko dute. Ibargain osatzen dutenek herritarrak animatu dituzte kontzertuetara: “Gurekin musikaz gozatzera gonbidatu nahi ditugu oiartzuar guztiak”.
