Oiartzungo kirolariak, hoberenetakoak kenpon
Pasa den asteburuan, Espainiako Kenpo Txapelketan parte hartu zuten Oiartzungo Honbu Japoniar Zentro Kulturaleko bederatzi kirolarik, Madrilen. Beste behin erakutsi dute herriko kirolariak onenenetakoak direla kenpon. Izan ere, bederatzitik zazpik saria ekarri dute etxera. Madrilgo Kirol Batzorde Gorenaren instalazioetan 300 kirolari inguru bildu ziren asteburuan, aurretik zegozkien lehiak (autonomietakoak) gainditu ondoren. Formetan lehiatu ziren —armekin eta arma gabe—, defentsa pertsonalean, eta borrokan —puntuan eta jarraian—. Horien artean zeuden Zuhaitz Astarloza, Alain Isasa, Jon Ander Rodriguez, Alain Basasoro, Pedro Rekalde, Ana Perez, Zuriñe Ostolaiz, Sergio Granado eta Marina Amorim, Honbuko ordezkariak, Euskal Herriko Selekzioaren barnean. Bederatzi kirolari horietatik zazpi lehenengo hiru postuetan sailkatu ziren Espainiako Estatuko lehian. Emaitza horiekin kirolariek berriro erakutsi dute, Honbutik nabarmendu dutenez, Oiartzungo eskola dela Iberiar Penintsulako onenenetako bat, eta irakasleek oso lan ona egiten dutela, Shihan Vidalen gidaritzapean, eta Pilar Martinez Karate Federazioko Kenpo Departamentuko zuzendariaren laguntzarekin. Era berean, garaipenak Udalari eta oiartzuar guztiei eskaini dizkiete, duela ia 30 urtetik kenpoa babesten dutelako. 2012an 30 urte beteko dira Oiartzunen kenpo praktikatzen hasi zirenetik, Shihan Vidalen eskutik. Euskal Selekzioko kirolariak, tartean Honbukoak, kopekin Emaitzak: Jon Ander Rodriguez. Espainiako txapelduna: puntu borrokan, borroka jarraian eta formetan armekin. Espainiako txapeldunordea defentsa pertsonalean, Kadete Mailan, promesa kategorian. Marina Amorim. Espainiako [...]
Pasa den asteburuan, Espainiako Kenpo Txapelketan parte hartu zuten Oiartzungo Honbu Japoniar Zentro Kulturaleko bederatzi kirolarik, Madrilen. Beste behin erakutsi dute herriko kirolariak onenenetakoak direla kenpon. Izan ere, bederatzitik zazpik saria ekarri dute etxera.
Madrilgo Kirol Batzorde Gorenaren instalazioetan 300 kirolari inguru bildu ziren asteburuan, aurretik zegozkien lehiak (autonomietakoak) gainditu ondoren. Formetan lehiatu ziren —armekin eta arma gabe—, defentsa pertsonalean, eta borrokan —puntuan eta jarraian—.
Horien artean zeuden Zuhaitz Astarloza, Alain Isasa, Jon Ander Rodriguez, Alain Basasoro, Pedro Rekalde, Ana Perez, Zuriñe Ostolaiz, Sergio Granado eta Marina Amorim, Honbuko ordezkariak, Euskal Herriko Selekzioaren barnean.
Bederatzi kirolari horietatik zazpi lehenengo hiru postuetan sailkatu ziren Espainiako Estatuko lehian.
Emaitza horiekin kirolariek berriro erakutsi dute, Honbutik nabarmendu dutenez, Oiartzungo eskola dela Iberiar Penintsulako onenenetako bat, eta irakasleek oso lan ona egiten dutela, Shihan Vidalen gidaritzapean, eta Pilar Martinez Karate Federazioko Kenpo Departamentuko zuzendariaren laguntzarekin.
Era berean, garaipenak Udalari eta oiartzuar guztiei eskaini dizkiete, duela ia 30 urtetik kenpoa babesten dutelako. 2012an 30 urte beteko dira Oiartzunen kenpo praktikatzen hasi zirenetik, Shihan Vidalen eskutik.
Euskal Selekzioko kirolariak, tartean Honbukoak, kopekin
- Jon Ander Rodriguez. Espainiako txapelduna: puntu borrokan, borroka jarraian eta formetan armekin. Espainiako txapeldunordea defentsa pertsonalean, Kadete Mailan, promesa kategorian.
- Marina Amorim. Espainiako txapeldunordea borroka jarraian, Kyus Emakumeen Helduen Mailan 60 kilotan —promesa kategorian—.
- Ana Perez. Hirugarren postua borroka jarraian, Kyus Emakumeen Helduen Mailan —promesa kategorian—.
- Alain Isasa. Hirugarren postua borroka jarraian, Gerriko Beltzen Helduen Mailan —kategoria absolutua—.
- Alain Basasoro. Hirugarren postua forma tradizionaletan, Kyus Helduen Mailan —promesa kategorian—.
- Sergio Granado. Hirugarrena borroka jarraian, Kyus Helduen Mailan, 60 kilotan —promesa kategorian—.
- Pedro Rekalde. Hirugarren puntu borrokan, Kyus Helduen Mailan, 60 kilotik gorakoetan —promesa kategorian—.
