Oiartzuarrak ez dira pasatu herriarteko lehiako finalera
Larunbatean pilotari oiartzuarrek Hernanin jokatu zuten Gipuzkoako Herriarteko Pilota Txapelketako finalerdien itzulia. Jokatu zituzten hiru partiduetatik bat irabaztea lortu zuten, eta ondorioz ez dira finalera pasatu, 5 eta 1eko emaitzarekin galdu on...
Larunbatean pilotari oiartzuarrek Hernanin jokatu zuten Gipuzkoako Herriarteko Pilota Txapelketako finalerdien itzulia. Jokatu zituzten hiru partiduetatik bat irabaztea lortu zuten, eta ondorioz ez dira finalera pasatu, 5 eta 1eko emaitzarekin galdu ondoren (joaneko partidak eta itzulikoak batuta, bost galdu eta bat irabazi dute).
Kadete Mailan ausart atera ziren oiartzuarrak garaipenaren bila, baina 19an geratu ziren eta ezin izan zuten partida irabaztea lortu (22-19). Partida horrekin oiartzuarrei geratzen zitzaizkien itxaropenak zapuztu ziren.
Hala ere, Gazte Mailako partidaren bila atera ziren. Partida txukun baten ondoren, oiartzuarrek irabaztea lortu zuten (20-22).
Helduen eta azken partidan, hernaniarrek 22 eta 5 irabazi zuten.
