Jose Antonio Larrain: “Eskerrik asko lagundu didazuen guztiei”
Jose Antonio Larrain. Errenteria-Orereta Touringen zuzendaritza berria lanean hasi dela eta, hamar urtez izan dudan kirol zuzendari kargua utziko dut. Guztiek jakingo duzuenez, halako denbora luzean, denetarik izan da, une atseginak eta hain atseginak ...
Jose Antonio Larrain. Errenteria-Orereta
Touringen zuzendaritza berria lanean hasi dela eta, hamar urtez izan dudan kirol zuzendari kargua utziko dut. Guztiek jakingo duzuenez, halako denbora luzean, denetarik izan da, une atseginak eta hain atseginak izan ez diren beste batzuk. Balantzea egiteko unea iritsi den honetan, argi esan dezaket bizitutako une atseginak, ez atseginak baino gehiago izan direla. Horren erakusle dira urte hauetan lortutakoak: Futbol Eskolaren sorrera eta garapena; emakume taldeak berreskuratu izana… eta gutun batean aipatzea ezinezkoa diren beste horrenbeste.
Horregatik, agur esan aurretik, eskerrak eman nahi dizkizuet nire lana modurik egokienean egiten lagundu didazuen guztioi: eguneroko lana erraztu didaten kolaboratzaileei; zuzendaritza batzordeari, entzun eta jasan behar izan duen guztia alde batera utzita nirekin erabateko konfiantza izan duelako; arlo teknikoan urte hauetan lan egin duten guztiei; taldeetako delegatuei; euren interesen kontrakoak izanda ere, nire erabakiak errespetatu eta ulertzen jakin duten jokalariei; jokalarien gurasoei, guztiei eskerrik asko.
Aipamen berezia egin nahi diet kirol munduan lehenengo urratsak gurekin egin dituzten haurrei. Eskerrik asko denei!
