Barrengoloian bisita gidatuak egiteko aukera handitu da, urrira arte
Listorreta eta Barrengoloia ingurua ezagutu nahi duen orok, bisita gidatua egiteko aukera du uda honetan. Eguraldia lagun bada, hobe. Aiako Harria Parke Naturalaren barnean dago eremu hori, eta Garrantzi Komunitarioko Lekua izendapena dauka. Bisitatzek...
Listorreta eta Barrengoloia ingurua ezagutu nahi duen orok, bisita gidatua egiteko aukera du uda honetan. Eguraldia lagun bada, hobe.
Aiako Harria Parke Naturalaren barnean dago eremu hori, eta Garrantzi Komunitarioko Lekua izendapena dauka. Bisitatzeko moduko parajea, beraz.
Barrengoloiara iristeko, GI-2132 errepidea hartu behar da, eta Perurenan Listorretarako bidea hartu. Eremu horretatik aurrera jarraitu, eta bertan dago Barrengoloia jolasgunea. Informazio Bulegoa eremu horretan dago kokatuta. Inguruko fauna, landaretza, mendi ibilbideak, etnografia, historriaurreko ondarea eta eskualdeko beste hainbat txokotako informazioa jaso daiteke bertan.
Bisita gidatuak ere bertatik abiatzen dira. Guztira bost egin daitezke: Añarbeko hariztia (hiru ordukoa da); Añarbeko Baso Erreserba (hiru ordu); Malbazargo hezegunea, anfibioen bidetik (bi ordu); Ibaietako basoa (bi ordukoa ere) eta Aizpitarteko haitzuloetako azatarna paleolitikoak (ordu eta erdi).
Hil honetan eta abuztuan ostegunetik igandera eskaintzen dituzte bisita gidatu horiek. Aditu bat arduratzen da horretaz. Irailean, eta urriaren 12ra arte, asteburutan bakarrik (igandetan) izango dira. Goizeko 11:00etan hasiko dira, egun guztietan, bisitaldi gidatu horiek.
Erreserba egin behar da
Errenteria-Oreretako Turismo Bulegoan egin behar da erreserba aldez aurretik. Asteazkenetik igandera deitu behar da (11:00etatik 14:00etara, eta 16:00etatik 18:00etara) honako telefono zenbaki honetara: 943 44 96 38. turismo@errenteria.net posta elektronikora bidali behar da mezua.
