Besada garaile Euskal Herriko Dantza Txapelketan
Idoia Besada pasaitarrak eta Jon Ibarguren azpeitiarrak osatutako bikotea izan zen nagusi atzo jokatu zuten Euskal Herriko Dantza Txapelketaren 35. ekitaldia. Ohi bezala, Seguran jokatu zuten dantza txapelketa nagusia.
Guztira, Besadak eta Ibargurenek 121 puntuko balorazioa lortu zuten, Arkaitz Pascuas eta Nagore de las Cuevas sestaotarrek baino puntu bat gehiago. Hainbat sari jaso zituzten: Foru Aldundiaren oroigarria, bidaiak, Gipuzkoako Euskal Dantzarien Biltzarreko garaikurra, 700 euro, txapela, lepokoa eta Nestor Basterretxearen eskultura. Taula gainean, dantzan, onenak izateaz gain, jantzi onenaren saria ere lortu zuten.
Besada ez zen eskualdeko ordezkari bakarra izan. Aitor eta Uxue Arrieta errenteriarrak bosgarren izan ziren txapelketan, 105 punturekin. Estreinakoz aritu zen bikotea txapelketan, eta Guillermo Areizaga Saria jaso zuten. Txapelketaren sortzailea omentzen duen oroigarria estreinakoz aritzen den bikote onenari ematen diote. Iker Sanz lezoarrak ere parte hartu zuen, Lierni Kamio villabonarrarekin batera. Seigarren izan zren, 95,00 punturekin.
